MAMUHAI USAHA C.V
Kota Sibolga
Ala nunga dipillit 3 halak agen panuhor gota di tolu huta, Bonandolok, Rampa dohot huta Sitahuis, dioloi, dijalo si Tumpak ma modal sian tokke si Akiong papa ni Sui Lan, ndang pola godang nean, holan Rp 5 juta do. Ditambai dohot modal na sandiri dohot gota ni tondong, sahali onan ma boi manuhor gota 1 ton, 1.000 kg, molo Rp 9.000 sa kg, marasam ma boniaga na i Rp 9 - Rp 10 juta.
Molo diparate atehon sangombas, tokke ama ni Jojor dohot ama ni Monang, hepeng Rp 10 juta gelleng dope i, alai ala poso dope si Tumpak jala sataon lobi dope, ma tung balga i.
Sai dipaihut ihut si Luhut, dongan sa butuhana na di Bank i do rekening na i, disada tingki disungkun ma:"Ai ma lam balga omzet mu parpudion puang, sian dia do modal mu?", ninna. "Na hupinjam do bang sian si Akiong Rp 5 juta ala denggan pardonganon tu boru ni tokke i", ninna alusna. "Oh ido, ba nanaeng mar boru China do ho?", ninna si Luhut huhut martata. Diuduti muse :" Ba matingki na ho da manginjam sian Bank, unang be sai sian China i, asa boi lomo lomom manggadis manang na tu dia", ninna si Luhut.
"Ai ma boi au maminjam bang?", ninna si Tumpak ala so diantusi aha do surat surat na porlu tu Bank.
Dipatorang si Luhut ma songon dia baenonna, aha do na porlu surat na porlu tusi. Ganjang ma caritona, parjolo dipatorang, boi do manginjam dohot goar ni si Tumpak, goar perorangan alai tumigon, undenggan ma bulus dibaen usaha na C.V rupani, unang be goar na ala doli doli dope.
"Ma niparsiajaran nean CV, P.T dohot Koperasi di singkola, alai holan theory do, hurimpu do holan tu pemborong do porlu CV on", ninna si Tumpak
C.V on sai hira usaha keluarga dope on, pangulana pe boi ma na sa keluarga, natorasna dohot ibotona i disurathon di Akte Notaris i, isarana Amang na gabe Komisaris, ibotona gabe Direktur, jala si Tumpak ma gabe Direktur Utama. "Huboan pe ho tu kantor Notaris", ninna si Luhut ala busisaon si Tumpak umbegesa.
Asing ni Akte Notaris porlu diurus ma muse Surat Ijin usaha perusahaan (SIUP) dohot Surat Ijin Tempat Usaha (SITU) sian Kabupaten Tapteng mai. "Anggo i ho ma lau tusi, tu kota Pandan. Asing sian i urus ma muse surat ni tano, boi ma di pangido sian hampung dohot kecamatan. Molo boi diurus ma Sertifikat hak milik tu kantor Agraria. Sada nai, mangido Nomor Pajak manang NPWP ma tu Kantor Pajak.
"Ba bahat do siuruson ate bang, sadia ma muse hepeng biaya tusi?", ninna si Tumpak huhut ditiop simanjujung na . "Urus ma langet langet, ndang tarhilala annon 1 bulan, dua bulan ma haluar i sude", ninna si Luhut. "Unang pola hudus da", asa unang mangido hepeng pegawe i, garar ma sadia na tarsurat di kwitansi, molo naeng leanon mu pasigaretna, hata hamauliateon homa i", ninna si Luhut muse. "Jei ingkon sai lao ma iba tu kantor i, repot nai ate bang", ninna si Tumpak songon na losok rohana. "Ndaong, paima ma 2 minggu, ma sae bei, sungkun ma", ninna abang na i. "Oh, songoni do, beres ma i bang, hudalani pe", ninna songon na minar pardompahan na.
"Boi do manginjam lobi sian Rp 5 juta bang?", ninna si Tumpak muse. "Mamereng rekening mi, balga ni omzet, transaksi mi, boi do dapot lobi sian Rp 5 juta", ninna abang na i.
Ma dua minggu ndang pajumpang si Tumpak dohot si Jojor nang kakak nai. Roma si Jojor tu lapo mangisi bensin. "5 liter pe namboru, didia abang ?, ninna. "Lao mangurus surat surat tu kantor Bupati, naeng pajonjong C.V ninna", ninna inong nisi Tumpak. "Paboa jo namboru na ro au ate, adong na porlu", ninna si Jojor. "Olo maen, na naeng manonton do hamu?", ninna. "Eh olo namboru, molo sanga abang, lao majo au da namboru", ninna lambok mengkel.
Pas dipengkolan paduahon pajumpang dohot si Tumpak. "Sian dia ho Jor". "Mangisi bensin bang". "Ai namasihol do ho tu au?", ninna si Tumpak margait gait. "Na adong do naeng hupaboa tu ho", ninna si Jojor. "Antong tu jabu ma hita", ninna si Tumpak huhut manghihutkan motor ni si Jojor sian pudi.
"Maditanda abang ise dongan ni kakak?", ninna si Jojor. "Ndang dope, ise huroha?", ninna si Tumpak mangalusi. "Ima unang sai jonohi be kakak i". "Ai hodo nasai hujonohi, alai ala bajar dope ho mabiar au mandok hatanghu". Tarsonggot si Jojor umbege nidok ni si Tumpal i. "Mandok aha bang?", ditiop si Jojor simangido ni si Tumpak. "Ha ha ha, rahasia doi, so dibereng inang annon", ninna mengkel. "Haduan ma hudongkon molo lao hita piknik", ninna si Tumpak. Minar jala engkel ma pardompahan ni si Jojor mulak, ala nunga didodo ibana roha ni si Tumpak nangpe ndang didok hatana..
Ari Sinen i, diboan abang na i ma tu kantor Notaris, disurathon ma di akte i, amang na gabe Komisaris, ibotona diginjang na gabe Direktur jala si Tumpak ma gabe Direktur Utama. Dibaen ma goar ni usaha i C.V.Dolok Nauli. Nomor Pajak, NPWP pintor haluar do, prei so pola manggarar hape. Sian Kabupaten mangido angka surat na porlu sian hampung dohot sian Kecamatan. Mura do hape uruson sude, ninna si Tumpak dibagasan rohana. Lao ma ibana muse tu Warnet asa di print di komputer Kop Surat ni usaha C.V. Dolok Nauli Anggo stempel dohot merek CV satongkin doi tonahononton di Sambas.
Dung sae sude, lao ma si Tumpak tu toko electronik mangalului Komputer Laptop na mura mura i, Ma boi ibana mangihuthon angka dongan na anak namar nampuna, ndang pola lao be tu Warnet, molo adong na porlu.
Kota Sibolga
Ala nunga dipillit 3 halak agen panuhor gota di tolu huta, Bonandolok, Rampa dohot huta Sitahuis, dioloi, dijalo si Tumpak ma modal sian tokke si Akiong papa ni Sui Lan, ndang pola godang nean, holan Rp 5 juta do. Ditambai dohot modal na sandiri dohot gota ni tondong, sahali onan ma boi manuhor gota 1 ton, 1.000 kg, molo Rp 9.000 sa kg, marasam ma boniaga na i Rp 9 - Rp 10 juta.
Molo diparate atehon sangombas, tokke ama ni Jojor dohot ama ni Monang, hepeng Rp 10 juta gelleng dope i, alai ala poso dope si Tumpak jala sataon lobi dope, ma tung balga i.
Sai dipaihut ihut si Luhut, dongan sa butuhana na di Bank i do rekening na i, disada tingki disungkun ma:"Ai ma lam balga omzet mu parpudion puang, sian dia do modal mu?", ninna. "Na hupinjam do bang sian si Akiong Rp 5 juta ala denggan pardonganon tu boru ni tokke i", ninna alusna. "Oh ido, ba nanaeng mar boru China do ho?", ninna si Luhut huhut martata. Diuduti muse :" Ba matingki na ho da manginjam sian Bank, unang be sai sian China i, asa boi lomo lomom manggadis manang na tu dia", ninna si Luhut.
"Ai ma boi au maminjam bang?", ninna si Tumpak ala so diantusi aha do surat surat na porlu tu Bank.
Dipatorang si Luhut ma songon dia baenonna, aha do na porlu surat na porlu tusi. Ganjang ma caritona, parjolo dipatorang, boi do manginjam dohot goar ni si Tumpak, goar perorangan alai tumigon, undenggan ma bulus dibaen usaha na C.V rupani, unang be goar na ala doli doli dope.
"Ma niparsiajaran nean CV, P.T dohot Koperasi di singkola, alai holan theory do, hurimpu do holan tu pemborong do porlu CV on", ninna si Tumpak
C.V on sai hira usaha keluarga dope on, pangulana pe boi ma na sa keluarga, natorasna dohot ibotona i disurathon di Akte Notaris i, isarana Amang na gabe Komisaris, ibotona gabe Direktur, jala si Tumpak ma gabe Direktur Utama. "Huboan pe ho tu kantor Notaris", ninna si Luhut ala busisaon si Tumpak umbegesa.
Asing ni Akte Notaris porlu diurus ma muse Surat Ijin usaha perusahaan (SIUP) dohot Surat Ijin Tempat Usaha (SITU) sian Kabupaten Tapteng mai. "Anggo i ho ma lau tusi, tu kota Pandan. Asing sian i urus ma muse surat ni tano, boi ma di pangido sian hampung dohot kecamatan. Molo boi diurus ma Sertifikat hak milik tu kantor Agraria. Sada nai, mangido Nomor Pajak manang NPWP ma tu Kantor Pajak.
"Ba bahat do siuruson ate bang, sadia ma muse hepeng biaya tusi?", ninna si Tumpak huhut ditiop simanjujung na . "Urus ma langet langet, ndang tarhilala annon 1 bulan, dua bulan ma haluar i sude", ninna si Luhut. "Unang pola hudus da", asa unang mangido hepeng pegawe i, garar ma sadia na tarsurat di kwitansi, molo naeng leanon mu pasigaretna, hata hamauliateon homa i", ninna si Luhut muse. "Jei ingkon sai lao ma iba tu kantor i, repot nai ate bang", ninna si Tumpak songon na losok rohana. "Ndaong, paima ma 2 minggu, ma sae bei, sungkun ma", ninna abang na i. "Oh, songoni do, beres ma i bang, hudalani pe", ninna songon na minar pardompahan na.
"Boi do manginjam lobi sian Rp 5 juta bang?", ninna si Tumpak muse. "Mamereng rekening mi, balga ni omzet, transaksi mi, boi do dapot lobi sian Rp 5 juta", ninna abang na i.
Ma dua minggu ndang pajumpang si Tumpak dohot si Jojor nang kakak nai. Roma si Jojor tu lapo mangisi bensin. "5 liter pe namboru, didia abang ?, ninna. "Lao mangurus surat surat tu kantor Bupati, naeng pajonjong C.V ninna", ninna inong nisi Tumpak. "Paboa jo namboru na ro au ate, adong na porlu", ninna si Jojor. "Olo maen, na naeng manonton do hamu?", ninna. "Eh olo namboru, molo sanga abang, lao majo au da namboru", ninna lambok mengkel.
Pas dipengkolan paduahon pajumpang dohot si Tumpak. "Sian dia ho Jor". "Mangisi bensin bang". "Ai namasihol do ho tu au?", ninna si Tumpak margait gait. "Na adong do naeng hupaboa tu ho", ninna si Jojor. "Antong tu jabu ma hita", ninna si Tumpak huhut manghihutkan motor ni si Jojor sian pudi.
"Maditanda abang ise dongan ni kakak?", ninna si Jojor. "Ndang dope, ise huroha?", ninna si Tumpak mangalusi. "Ima unang sai jonohi be kakak i". "Ai hodo nasai hujonohi, alai ala bajar dope ho mabiar au mandok hatanghu". Tarsonggot si Jojor umbege nidok ni si Tumpal i. "Mandok aha bang?", ditiop si Jojor simangido ni si Tumpak. "Ha ha ha, rahasia doi, so dibereng inang annon", ninna mengkel. "Haduan ma hudongkon molo lao hita piknik", ninna si Tumpak. Minar jala engkel ma pardompahan ni si Jojor mulak, ala nunga didodo ibana roha ni si Tumpak nangpe ndang didok hatana..
Ari Sinen i, diboan abang na i ma tu kantor Notaris, disurathon ma di akte i, amang na gabe Komisaris, ibotona diginjang na gabe Direktur jala si Tumpak ma gabe Direktur Utama. Dibaen ma goar ni usaha i C.V.Dolok Nauli. Nomor Pajak, NPWP pintor haluar do, prei so pola manggarar hape. Sian Kabupaten mangido angka surat na porlu sian hampung dohot sian Kecamatan. Mura do hape uruson sude, ninna si Tumpak dibagasan rohana. Lao ma ibana muse tu Warnet asa di print di komputer Kop Surat ni usaha C.V. Dolok Nauli Anggo stempel dohot merek CV satongkin doi tonahononton di Sambas.
Dung sae sude, lao ma si Tumpak tu toko electronik mangalului Komputer Laptop na mura mura i, Ma boi ibana mangihuthon angka dongan na anak namar nampuna, ndang pola lao be tu Warnet, molo adong na porlu.
No comments:
Post a Comment