"Boasa hamu gabe marsirang ," ningku tu ina, tarposo dope, andorang so pamasu masuon.
"Ala ni narkoba do amang, mabiar roha unang hona annon tu dakdanaki."
Sungkun sungkun songoni muse disungkun tu nanaeng tunggane dolina.
"Na geno do pangalohana tu baoa na asing."
Tartutup do pintu tingki pangkataion on. Holan dua sintua, au dohot sada sintua, halak China. Ingkon lulus do sian "pangkataion" on baru pe diboan tu rapat sintua, jala di ting tinghon 3 hali ari Minggu.
Laos dipatudu nasida ma dua surat cerai sian Pengadilan dohot surat tardidi dohot malua. Disurat cerai i dipatorangma boncir ni parsirangan. Dipasu pasu huria do sisongoni asa unang lam mardosa nasida. Santabi dang di HKBP on.
Diujung ni pangkataion disungkun ma sada sungkun sungkun parpdi. "Ma hea hamu rap modom," ninna sintua China i. Sai hohom nasida nadua, masiberengan. Ala dang dialusi, husungkun muse. Dang dialusi, alai diundukkon nasida nadua.
"Baen ma tangiang, mangido hasesaon ni dosa", ningku mangujungi pangkataion.
Dung sidung pangkataion, hututup ma pangkataion dibagasan tangiang. Minar ma bohi nasida nadua tingki masijalangan lao mulak.
Ingkon jamotma angka natua tua mangida na gabe hela. Molo porlu dipangido ma Surat bebas Narkoba sian BNN.
Niluluan ma muse goar ni na naeng parumaen di Face book, berengon gambar gambarna, ise baoa dongan dongan na. Ndang adon akunna.
Tingki jonjong pengantin dohot natorasna dijolo ni langgatan, tingki marsijalangan, tarsonggot au. Amang ni si baoa, donganku do marlange di kolam renang tiap minggu. Di tingki pajumpang muse di kolam renang, dicaritohon ma sude parange ni parumaenna.
No comments:
Post a Comment