PANGOMOAN PARJOLO.
Pangguris havea
Si Tumpak dohot do manderes havea, tarlobi tingki papungu gota na i arian, asi rohana marnida among dohot inong na. Ai ingkon hatop do papungu gota i, marlojong tu hambirang, tu dolok papungu gota i tu kaleng, ngilut do gotting sasatongkin ma bungkuk, tindang muse, marlojong. Molo dung sae sude dipapungu di dua kaleng dilanja ma musena tu panggilingan, manggiling gota i gabe gota angin. Disaburhon ma gota i tu ingananna dicampur dohot cuka, dung dipaima ma gota naencer i asa karas, barupe digiling tu bosi panggilingan, diatur ma hapal ni gota angin i. Di jomur ma muse di las ni ari, diombus angin, ido baen nadidok gota angin, dungi baru pe diboan mulak tu jabu.
Alai anggo ari onan ndang dohot be si Tumpak manderes havea i, holan among dohot inong na nama. Si Tumpak lao papungu gota angin sian horong nasida, amang uda, amang boru, tulang.
Dung pungu hira hira 400 to 500 kilo sian horong nasida, ari onan ari Sabtu, diboan, digadis ma tu Sibolga tu toke A kiong di Kebun bunga, jonok tu laut. Arga ni gota ndang tontu, manaek, turun do hira hira Rp 7.500 - Rp 10.000 sa kilo. Dipanggadisan parjolo dapot ma hepeng Rp 3.000.000 - Rp 5.000.000. Otik do dibuat si Tumpak pangomoan na manggadis gota i, ala tondong do sude, holan Rp 250 ma pangomoan na sa kilo dapotsa ma Rp 100.000 - Rp 125.000 sa onan, sa minggu manang Rp 400.000 - Rp 500.000 sa bulan, Ma minar bohina mulak tu huta, on ma pangomoan na parjolo. Potang na i pintor digarar si Tumpak do tu sude horong, tondong na, ido alana asa dihaporsea i si Tumpak.Mangan botari i, mandok mauliate ma nasida dibagasan tangiang ala pangurupi ni namarhuaso i.
Borngin malam minggu i lao ma tu jabu ni si Longga. Disingkun ama ni si Longga ma si Tumpak :"Ai tu ise do digadis ho bere gotamu nasogot ?", ninna. "Santabi tulang ma hugadis tu si A Kiong nasogot dohot gota ni halak amang tua, amang uda, amang boru dohot tulang", ninna si Tumpak. "Ma malo ho saonnari ate", ninna ama ni Longga huhut mengkel, didok ma tu boruna :"Baen tes ni si Tumpak i Longga", ninna. "Olo bapa", ninna si Longga.
"Didia si Jojor so tarida ?", ninna si Tumpak. "Sai si Jojor do dilului ho, dison do iba, di jabu ni amang boru di Sibolga do borngin on modom", ninna si Longga. Ma dibereng amang ni si Longga, burju ni si Tumpak saleleng on, jei didok Bapak nai asa di jabu ni namboruna modom si Jojor, asa boi si Tumpak dohot si Longga mar malam minggu padua dua. Di jabu ni namboruna pe adong do pariban na, si Leonard dongan na dohot angka iboto ni si Leo.
Nang pe kalas sada SMA dope si Jojor alai balga do pamatang na alai ianggo pangalahona bajar dope.. Diparateatehon amang na do, molo margitar si Tumpak sai si Jojor do jotjotan dongan na marende. Asa unang annon gabe mangalakkai kakak nai, ido umbaen najotjot disuru amang na tu jabu ni namboru na di Sibolga, tarlobi molo dung ari Sabtu. Bahat ma dibaen sidalian pataru tarutung, tomat, ancimun, jagung dohot na asing parbue ni hauma nasida.
Anggo nai Longga ndang pola dianturehon dope taringot tu bogas ni boru na nadua i, ai poso dope, jala diboto do marsangkap singkola muse, unang sai di huta, songon ibana. Mangiburu do rohana mangida angka dongan na, molo boi nean boru na i mangaranto dao, marsaor dohot halak, asing sian par huta di dolok on, asing sian par Sibolga.
Sai songoni ma, potang lao manonton tu Sibolga, mar motor ma nasida 10 kilometer dao na di dalan na rahis, mar belok belok turun torus tu Sibolga. Di siamun ni dalan rura, di hambirang dolok, ingkon gomos do haolon ni si Longga sian pudi. Songoni tong lao mulak borngin i, ala ni ngalina lam gomos do dihaol si Longga sian pudi. Nang pe songoni holan na mardongan dongan, ndang lobi sian i.
Ai so pola adong siberengon di si Tumpak, pogos do natoras na, motor na pe so adong. Manonton pe motor ni si Longga do dipakke nasida. Asing do pamerengan ni amang ni si Longga dihaburjuon ni si Tumpak, ido umbaen nadipaloas boru nai mardongan dongan. Alai anggo si Tumpak sai si Jojor do dilului, ala malo marende jala engkel na nasai mambaen las ni roha.
Ala ni i olo do sipata si Tumpak lao tu singkola ni si Jojor, diorahon ma mardalani tu topi ni laut di Pandan. Molo ari Sabtu dipaloas amang na do si Longga dohot si Jojor mamboan motor tu singkola nang pe ndang adong dope rebewe na. Disada ari Sabtu lao ma nasida nadua tu topi laut di Pandan, hundul hundul mamereng laut, marlojong lojong di pasir ditopi laut. Ndang binoto tingkosna, boasa madabu si Jojor. gabe maraek ma baju na. Dibuka si Tumpak ma baju na laos dipakkehon si Jojor paima mahiang bajuna dijomur di las ni ari. Disima nasida hundul padua dua, marende ende diullus alogo sian laut. Ndang barani dope si Tumpak mandok hata, ala poso dope si Jojor, 15 taon, ndang hot dope rohana.
Ala nunga male didok si Tumpak ma; "Ma male ho, beta ma mangan", ninna. "Ai sae do hepengta annon?", disungkun si Jojor. "Pos ma roham, au pe manggarar", ninna si Tumpak mangalusi, ala dibuat do deba pangomoan na manggadis gota i. Mangan ma nasida di lapo naso mar bilut, boi mamereng tu laut. Dekke na baru ditangkup do disi digadis, ditutung mai, diallang mardongan lasiak naung dibaen bawang, asom, kecap dohot indahan na las. Ima tabona.
Lao mulak tu huta Simaninggir, maradian ma dijabu ni amang boruna di Singkola Tukkang, jala masitandaan ma disi dohot si Leonard, pariban nisi Jojor. Dipaboa si Jojor ma tu namboru na nanaeng mulak tu dolok, tu Simaninggir. Dihusiphon namboruna :"Ai ise do dongan mi, hallet mu doi?", ninna.
Si Tumpak dohot do manderes havea, tarlobi tingki papungu gota na i arian, asi rohana marnida among dohot inong na. Ai ingkon hatop do papungu gota i, marlojong tu hambirang, tu dolok papungu gota i tu kaleng, ngilut do gotting sasatongkin ma bungkuk, tindang muse, marlojong. Molo dung sae sude dipapungu di dua kaleng dilanja ma musena tu panggilingan, manggiling gota i gabe gota angin. Disaburhon ma gota i tu ingananna dicampur dohot cuka, dung dipaima ma gota naencer i asa karas, barupe digiling tu bosi panggilingan, diatur ma hapal ni gota angin i. Di jomur ma muse di las ni ari, diombus angin, ido baen nadidok gota angin, dungi baru pe diboan mulak tu jabu.
Alai anggo ari onan ndang dohot be si Tumpak manderes havea i, holan among dohot inong na nama. Si Tumpak lao papungu gota angin sian horong nasida, amang uda, amang boru, tulang.
Dung pungu hira hira 400 to 500 kilo sian horong nasida, ari onan ari Sabtu, diboan, digadis ma tu Sibolga tu toke A kiong di Kebun bunga, jonok tu laut. Arga ni gota ndang tontu, manaek, turun do hira hira Rp 7.500 - Rp 10.000 sa kilo. Dipanggadisan parjolo dapot ma hepeng Rp 3.000.000 - Rp 5.000.000. Otik do dibuat si Tumpak pangomoan na manggadis gota i, ala tondong do sude, holan Rp 250 ma pangomoan na sa kilo dapotsa ma Rp 100.000 - Rp 125.000 sa onan, sa minggu manang Rp 400.000 - Rp 500.000 sa bulan, Ma minar bohina mulak tu huta, on ma pangomoan na parjolo. Potang na i pintor digarar si Tumpak do tu sude horong, tondong na, ido alana asa dihaporsea i si Tumpak.Mangan botari i, mandok mauliate ma nasida dibagasan tangiang ala pangurupi ni namarhuaso i.
Borngin malam minggu i lao ma tu jabu ni si Longga. Disingkun ama ni si Longga ma si Tumpak :"Ai tu ise do digadis ho bere gotamu nasogot ?", ninna. "Santabi tulang ma hugadis tu si A Kiong nasogot dohot gota ni halak amang tua, amang uda, amang boru dohot tulang", ninna si Tumpak. "Ma malo ho saonnari ate", ninna ama ni Longga huhut mengkel, didok ma tu boruna :"Baen tes ni si Tumpak i Longga", ninna. "Olo bapa", ninna si Longga.
"Didia si Jojor so tarida ?", ninna si Tumpak. "Sai si Jojor do dilului ho, dison do iba, di jabu ni amang boru di Sibolga do borngin on modom", ninna si Longga. Ma dibereng amang ni si Longga, burju ni si Tumpak saleleng on, jei didok Bapak nai asa di jabu ni namboruna modom si Jojor, asa boi si Tumpak dohot si Longga mar malam minggu padua dua. Di jabu ni namboruna pe adong do pariban na, si Leonard dongan na dohot angka iboto ni si Leo.
Nang pe kalas sada SMA dope si Jojor alai balga do pamatang na alai ianggo pangalahona bajar dope.. Diparateatehon amang na do, molo margitar si Tumpak sai si Jojor do jotjotan dongan na marende. Asa unang annon gabe mangalakkai kakak nai, ido umbaen najotjot disuru amang na tu jabu ni namboru na di Sibolga, tarlobi molo dung ari Sabtu. Bahat ma dibaen sidalian pataru tarutung, tomat, ancimun, jagung dohot na asing parbue ni hauma nasida.
Anggo nai Longga ndang pola dianturehon dope taringot tu bogas ni boru na nadua i, ai poso dope, jala diboto do marsangkap singkola muse, unang sai di huta, songon ibana. Mangiburu do rohana mangida angka dongan na, molo boi nean boru na i mangaranto dao, marsaor dohot halak, asing sian par huta di dolok on, asing sian par Sibolga.
Sai songoni ma, potang lao manonton tu Sibolga, mar motor ma nasida 10 kilometer dao na di dalan na rahis, mar belok belok turun torus tu Sibolga. Di siamun ni dalan rura, di hambirang dolok, ingkon gomos do haolon ni si Longga sian pudi. Songoni tong lao mulak borngin i, ala ni ngalina lam gomos do dihaol si Longga sian pudi. Nang pe songoni holan na mardongan dongan, ndang lobi sian i.
Ai so pola adong siberengon di si Tumpak, pogos do natoras na, motor na pe so adong. Manonton pe motor ni si Longga do dipakke nasida. Asing do pamerengan ni amang ni si Longga dihaburjuon ni si Tumpak, ido umbaen nadipaloas boru nai mardongan dongan. Alai anggo si Tumpak sai si Jojor do dilului, ala malo marende jala engkel na nasai mambaen las ni roha.
Ala ni i olo do sipata si Tumpak lao tu singkola ni si Jojor, diorahon ma mardalani tu topi ni laut di Pandan. Molo ari Sabtu dipaloas amang na do si Longga dohot si Jojor mamboan motor tu singkola nang pe ndang adong dope rebewe na. Disada ari Sabtu lao ma nasida nadua tu topi laut di Pandan, hundul hundul mamereng laut, marlojong lojong di pasir ditopi laut. Ndang binoto tingkosna, boasa madabu si Jojor. gabe maraek ma baju na. Dibuka si Tumpak ma baju na laos dipakkehon si Jojor paima mahiang bajuna dijomur di las ni ari. Disima nasida hundul padua dua, marende ende diullus alogo sian laut. Ndang barani dope si Tumpak mandok hata, ala poso dope si Jojor, 15 taon, ndang hot dope rohana.
Ala nunga male didok si Tumpak ma; "Ma male ho, beta ma mangan", ninna. "Ai sae do hepengta annon?", disungkun si Jojor. "Pos ma roham, au pe manggarar", ninna si Tumpak mangalusi, ala dibuat do deba pangomoan na manggadis gota i. Mangan ma nasida di lapo naso mar bilut, boi mamereng tu laut. Dekke na baru ditangkup do disi digadis, ditutung mai, diallang mardongan lasiak naung dibaen bawang, asom, kecap dohot indahan na las. Ima tabona.
Lao mulak tu huta Simaninggir, maradian ma dijabu ni amang boruna di Singkola Tukkang, jala masitandaan ma disi dohot si Leonard, pariban nisi Jojor. Dipaboa si Jojor ma tu namboru na nanaeng mulak tu dolok, tu Simaninggir. Dihusiphon namboruna :"Ai ise do dongan mi, hallet mu doi?", ninna.
No comments:
Post a Comment