Dung tammat SMA si Tumpak ndang marsingkola be ala natorasna pangguris havea do. Sai sai mangan nasida ma mandok mauliate. Dung tamat sma dohot do si Tumpak manderes gota i tu harangan, huhut mangalanja gota i molo dung sidung digiling, asi rohana molo among nai mangalanja.
Di ari onan digadis ma gota i tu tokke naro tu onan. Dua ma anggo tokke panggadisan ni si Tumpak dohot among na. Sada ma ama ni Lumongga dijou Longga, sada nai ama ni Monang. Ise ma nauntimbo arga na tusi ma digadis. Jumotjotan do tu ama ni Longga i dapotan ala sahuta nasida di Simaninggir.
Alai olo do ndang digarar ari onan i, olo do sadari dua ari, jolo mulak tokke i sian Sibolga, dung digadis gota i. Jot jot do si Tumpak lao tu jabu ni tokke i mangido hepeng na. Sipata ndang di jabu tokke i, si Longga dohot si Jojor do di jabu. Huhut paimahon ama ni Longga ba marnonang ma si Tumpak molo ndang dohot si Longga dohot si Jojor.
Ala adong gitar di jabu i, olo do mar gitar si Tumpak huhut marende
nasida marsoring. Ndang marimbar anggo si Longga dohot si Jojor malo do
marende.
Ala ni i gabe mardongan ma nasida natolu tarlobi di malam minggu, ingkon roma si Tumpak appel. Klas 2 SMA ma si Longga, klas 1 si Jojor.
Ala si Jojor sianggian mangantusi do ibana disi, ba jotjotan dipasombu do kakak nai padua dua dohot si Tumpak. Alai molo marende sai si Jojor do lomo ni roha ni si Tumpak, ala olo dohot mata na marende huhut par gere gere molo manghatai. Alai molo lao pe manonton tu bioskop di Sibolga, rampak do nasida natolu, parhundul na pe, sai si Longga do di tonga tonga.
Dung 3 bulan namangguris havea i, jala manggadis tu ama ni Longga, didok ma tu among na:"Amang ta papungu ma gota ni amang uda, amang tua, amang boru, tulang, dohot hombar balok, au pe manggadis tu tokke di Sibolga". "Ai so adong hepengta manuhor i", ninna amang na. "Ba ai ama ni Longga 2 ari pe asa digarar, jolo lakku do asa digarar, jei dang porlu modal", ninna si Tumpak.
"Molo songoni tahatai ma jolo tu horongta, otik otik pe jolo ate", ninna among nai. Satahi ma nasida nasa horong na si Tumpak ma manggadis gota i tu Sibolga di ari onan ari Sabtu.
Ala ni i gabe mardongan ma nasida natolu tarlobi di malam minggu, ingkon roma si Tumpak appel. Klas 2 SMA ma si Longga, klas 1 si Jojor.
Ala si Jojor sianggian mangantusi do ibana disi, ba jotjotan dipasombu do kakak nai padua dua dohot si Tumpak. Alai molo marende sai si Jojor do lomo ni roha ni si Tumpak, ala olo dohot mata na marende huhut par gere gere molo manghatai. Alai molo lao pe manonton tu bioskop di Sibolga, rampak do nasida natolu, parhundul na pe, sai si Longga do di tonga tonga.
Dung 3 bulan namangguris havea i, jala manggadis tu ama ni Longga, didok ma tu among na:"Amang ta papungu ma gota ni amang uda, amang tua, amang boru, tulang, dohot hombar balok, au pe manggadis tu tokke di Sibolga". "Ai so adong hepengta manuhor i", ninna amang na. "Ba ai ama ni Longga 2 ari pe asa digarar, jolo lakku do asa digarar, jei dang porlu modal", ninna si Tumpak.
"Molo songoni tahatai ma jolo tu horongta, otik otik pe jolo ate", ninna among nai. Satahi ma nasida nasa horong na si Tumpak ma manggadis gota i tu Sibolga di ari onan ari Sabtu.
No comments:
Post a Comment