TOKKE NAPOSO (13)

MANUHOR SAHAM

Pardonganon dohot Su Lian dohot tondong na bahat naboi diparsiajari si Tumpak. Nang pe mamora nasida gabe tokke gota sian ompung nasida, tuat tu si Akiong nang tu ianakkonna, ndang pola tandi anggo parngoluan nasida. Mobil holan 2 do, sada Kijang naung lobi 5 taon umurna, sada sedan Toyota, ipe ma 3 taon. Adong muse sada truk pangangkut gota. Pahean nasida sarupa do dohot jolma di Sibolga. Panganan nasida pe ndang pola hira di restoran, adong mie, dekke, manuk songon di jabu ni halak. Asing do anggo halak Batak, molo adong hepeng na, pegawe, pejabat pintor mobil baru do dohot mas dituhor.

Di pardalanan ni si Tumpak tu Singapur padua halihon, diboan Su Lian do ibana tu sada kantor. Dibege bege si Tumpak do hira hira naeng manggadis saham Su Lian.
Disungkun ma :"Ai boha do baenon manuhor saham ?". Diingot ibana parsiajaran di singkola taringot theory saham ni Perseroan Terbatas dohot Bursa. Alai holan theory do ndang diboto praktek na, holan di TV do adong barita.
"Nang pe di Sibolga dohot do hami manuhor saham Tumpak, ndang holan martiga tiga gota, sian gota sadia ma"
"Sadia do hepeng manuhor saham ?"
"Tar balga do, puluhan juta"
"Anggo songoni nang boi dope au dohot ate"

"Molo naeng marsiajar manuhor saham, boi do, gelleng do modal na, goarna Reksadana saham"
"Sadia boi mamuhai ?"
"Rp 50.000 - Rp 100.000 pe boi do"
"Boa do pangomoan ni saham on"
"Asing do pangomoan ni saham dohot Reksadana saham"
"Andigan ho sanga, hupatandahon pe ho tu Bank Mandiri asa nasida patoranghon"
"Olo olo, marsogot ma ate, ma potang ari, mulak majo au unang golap annon sahat tu jabu"

Mareak borngin maradian ma si Tumpak di jabu ni si Jojor. Di jolo ni jabu do amang ni si Longga.
"Horas tulang, aha do khabar ?"
"Horas, denggan do bere, aha khabar ?"
"Ai hubege manggadis tarutung hamu tu Singapur, boa do arga na disan ?"
"Mangomo do tulang, alai 2 hali dope"
"Adong rencanaku tulang naeng mananom tarutung di porlak nami, naeng hutanom tarutung na talmis daina".
"Huorahon do angka tondong, molo 5 - 6 taon naro ma marpabue, tagadis ma tu Singapur".
"Ba ma denggan i bere asa boi diihuthon par hutanta, unang sai holan gota i"
"Ndang dohot tulang mambaen kobun tarutung, ai hubege tarutung i ditongos do muse tu Hongkong dohot Beijing, alai sian kobun Malaysia do ninna".
"O ido ate, ba lean majo bere bibit ni tarutung i da ?"
"Olo tulang, husungkun tu Dinas pertanian do bibt on"
Roma si Leonard, sian Sibolga, alai torus do masuk tu bilut tonga tonga. Tarbege ma suara ni si Jojor, mengkel martata, ndang olo haruar tu bilut tamu, ndang olo pajumpang dohot si Tumpak.



Marsogot na i lao ma Su Lian dohot si Tumpak tu Bank Mandiri, naeng manukkun taringot tu Reksadana. Ndang boi dope mangihuthon keluarga Akiong naung manuhor saham mar puluh puluh juta. Dibuhai ma marsiajar Reksadana saham.
"Bang kenalin ini Tumpak, tolong jelaskan tentang Reksadana", ninna si Su Lian.
Dipatorang par bank ma, ia Reksadana on, songon arisan do. Dipapungu ma hepeng ni nasabah. Dungi dituhorhon/diinvest ma i muse tu campuran ni Deposito, Obligasi dohot Saham. Pandapotan untimbo sian bunga Deposito jala aman. Alai molo naeng manuhor Reksadana saham na timbo pandapotanna, dituhor ma Reksadana saham, na umbahat Saham sian Deposito, umpamana 80% saham. Adong piga macam si pilliton, molo timbo pangomoan, timbo do tong risiko rugi. Otik pangomoanna, aman. Ima hira uhum ni saham. Dilean par Bank ma bahat leaflet, selebaran dohot buku na met met taringot tu Reksadana.
"Tolong baca baca ini, biar lebih jelas", ninna par Bank.

"Begini saja bang, saya mau belajar dulu, beli Reksadana saham Campuran dulu, yang penghasilannya sedang sedang saja, lebih besar dari bunga Deposito tapi aman, ini saya mau setor Rp 1 juta".
"Isi dulu formulir ini terus nanti ke kasir"
"Ada lagi pertanyaan yang lain ?"
"Kalau ingin tahu harga saham naik, bagaimana ?"
"Ajari saja bang membuka website Mandiri, agar dia bisa mengikuti dirumah", ninna Su Lian.
"Oh baik, di website ini bisa ikuti perkembangan Reksadana tiap hari".
"Nanti mampir mampir disini ambil prospektus"
"Mauliate bang, kami pamit dulu.

"Mangan majo hita, di restoran dijolo ni Rumah sakit, tabo do", ninna Su Lian.
Mar motor do nasida tu restoran i.
"Aha do sipanganon lomo ni roham ?"
"Dengke ma da, ale ingkon dekke na baru ditangkup do da"
"Ai aha do maksudmu manuhor reksadana saham i ?"
"Songonon do Lian, molo denggan do pangomoan sian saham, naeng huajari jo angka murid ni singkolahu haduan"
"Anggo hami bahat do hamoraon nami sian saham, alai olo do rugi"
"Ai boasa rugi ?"
 "Hutuhor hami najolo saham ni penerbangan Garuda, hape argana madabu, jadi ingkon malo do hita manjaha info, laporan keuangan ni Garuda"
"Haduan ma i, langet langet ma hupatorang  tuho manjaha aporan keuangan.".

"Tabo do parmasak ni restoran on ba"
"Adong dope restoran natabo di km 15 tu kota Barus"
"Ido, ta coba majo haduan"
"Boa molo torus hita mardalani tu kota Barus, denggan do dalan"
"Alai mar mobil ma hita ate ?"
Boi do orahononghu si Jojor dohot si Leonard ?"
"Olo olo, why not"


Barus