MASIALLANGAN ROHA ANGKA NAPOSO.
Gabe marminggu di Sibolga nama si Longga dohot anggina i, si Jojor asa hatop nasida lao marsiajar marlange di hotel di Pandan rampak dohot namboruna dohot si Leonard. Anggo si Tumpak parpudi pe ro ala rap marminggu dohot natorasna dohot iboto iboto na di huta, pajumpang arian di Pandan ma nasida.
Pintor dipahojot si Jojor do parjolo mambuat kunci ni motor, parjolo ibana, asa dibonceng si Leonard kakakna annon. Diantusi si Longga do nadiroha ni anggina i, annon arian asa si Tumpak mambonceng ibana mulak.
Alai behama baenon ni si Longga, alang do rohana, ala tangkas do diboto adong roha ni si Tumpak tu anggina i. Nangpe songoni, ndang apala tangkas diboto si Longga songon dia roha ni anggi nai tu si Tumpak. Disada tingki disungkun si Longga :"Jor bea do pardonganon mu dohot si Tumpak?". "Ah kakak on, iba bajar dope, bea huroha, na lomo roha ni kakak ?", ninna mangalusi, tarsonggot hian si Longga alus na i. "Daong, nauhida dipajonok jonok si Su Lian tu ibana ?", ninna si Longga mengkel, mar rara hurumna.
Hape parpudi on pingkiran ni si Longga ma dao muba sian naujui, na jais rohana marnida hapogoson ni si Tumpak. Dungi muse ma tarida lam balga boniagana parpudi on, marmula mai ala denggan ni pangalaho ni si Tumpak tu angka sisolhot na, olo manggadis gota tu ibana nang pe marutang, sadari sahat tu saminggu. Somal na anggo panderes, ingkon kontan do digarar. Molo porlu tondong na boras, miak tano, gula dohot naasing dilean do tong marutang di lapo kios na i. Diparetongkon muse sian asam ni gota na digadis.
Manogot i andorang so tu gareja martelpon si Su Ĺian:"Bang andigan do ho ro tu Sibolga?". "Bea huroha, adong naporlu?", ninna si Tumpak. "Annon naeng tu Pandan, naeng marsiajar marlange hami", ninna muse manguduti. "Sian tokko ma ho da asa dohot au, adong na porlu tahatai", ninna mangalusi.
Nunga tarlambat si Tumpak ro, anggo halak si Longga ma busisaon di kolam, molo ndang ro ndang saut be nasida marsiajar marlange. Pukul sada pe si Tumpak baru ro alai ndang sahalakna, dohot anak boru na mar kaca mata na birong mar saloar na jempek mar kaos na rara. "Good morning", ninna si Lian na singkola SD, SMP di Singapur i. ""Nga leleng hamu?", ninna si Tumpak. "Ndang dope bang", ninna si Leo. Si Longga holan na mengkel do. Ia si Jojor di siramhon do aek sian kolam i, maraek baju ni si Tumpak. Mengkel do si Jojor nean ale asing engkel na, asom, songon na murhing pardompahanna.
Diajari si Lian ma si Leo dohot si Longga marlange dohot gaya, songon bojak. Anggo si Jojor ndang olo diajar si Lian, ingkon si Tumpak, ditiop do tangan na jala tar mandao dao sian nasida natolu. Alai nangpe mandao dao sai dimata babihon nasida do pangalaho ni si Tumpak dohot si Jojor. Bahatan marmeam meam do nasida. Sipata ndang tarida nasida ala lonong ditoru ni aek i satongkin, masi somburan aek huhut masilelean di aek na sa andora bagas nai.Mamereng i sogo do roha ni si Leo mamereng si Tumpak ala dongan na sian dakdanak do antong si Jojor.
Ala so somal dope marlange di kolam, marsaloar panjang sian kaos nasida na dua, si Jojor mar kaus na bontar. Si Tumpak mar saloar na jempek ndang marbaju. Ia si Su Lian ma marpahean renang nasian tokko i, songon na di filem filem i.Holan 10 meter do bidang ni kolam i ndang boi dope dilangei nasida. Anggo si Sun Lian ma boi 5 hali mulak hulak ganjang ni kolam i, 25 meter. Talu do si Tumpak tinggal dipudi, ala nasomal maridi di aek godang di huta.
Dung satonga jom ditinggalhon ma nasida natolu marsiajar sandiri. Nasida nadua, si Su Lian dohot si Tumpak marlange ma dao tu na bagas, marlange gaya bebas sa ganjang ni kolam i, 25 meter mulak ulak. Sipata maradian di topi ni kolam i huhut mengkel engkel masi simburan aek dohot manghata hatai taringot tu bisnis.
"Nunga 2 hali onan ndang manulak gota ho bang, tuise do digadis ho?", ninna si Lian. "Hu gadis tu fabrik PT ASL di Sarudik, tumimbo do sian arga panuhoran mu", ninna si Tumpak mangalusi.
Ala so agen ni si Akiong, sipata lao do si Tumpak.tu tokke na di Sambas dohot na di Kotabaringin manungkun arga. Ujung na digadis ma tu pabrik.gota na di Sarudik i. Satingki i, untimbo panuhoran ni fabrik, ninna ala adong kontrak ekspor nasida tu Italy dohot Jerman, ingkon hatop borhat ala ma dipima kapal di pelabuhan Belawan. Naeng dipakke gota crumb rubber kwalitet nomor sada i ninna mambaen ban ni mòbil balap dohot ban hapal habang.
"Onan naro tu hami ma gadis da, pos roham dos pe hubaen arga na dohot na asing", ninna si Lian. Sadia bahat boi gadisonmu ?", disungkun si Lian muse. " Tar 700 - 800 kilo.ra", ninna si Tumpak.
Ma tamba antong tolu halak agen ni si Tumpak di tolu huta. Si.Osman ma di huta Bonandoloķ, dongan sabutuha na, si Januari di Rampa dongan sahutana dohot si Daulat di Sitahuis, donģan sasingkolana ujui di SD, anak ni tokke gota, nahinan.
"Bang beta ma mulak, ma male butuha", ninna si Jojor gogo soarana. "Hatop do male na marlange on ba", ninna si Leo. "Paima ma 3 x na i hami marlange mulak mulak asa mangan hita, beta Tumpak", ninna si Lian. Marlange ma nasida 3 hali nai mulak ulak ndang mangaso pe nanggo satongkin.
Dungi, lao ma nasida na lima mangalului lapo na manggadis dengke na tinutung, di topi dalan kuli ndang pola dao sian hotel i. Si Lian ma gabe supir ni sedan i, si Longga hundul di jolo. Si Jojor ditonga tonga ni si Tumpak dohot si Leo di pudi.
Las dope dekke na baru ditangkup nasogot, holan manganggo timus ni api i ma male butuha. Mar roan hodok ala ni siak ni lasiak China, asom, kecap dohot bawang. Untung do mangullus alogo sian laut i ala so mar dorpi lapo i, uli idaon laut i mar galumbang gelleng gelleng, mardisir tingki sahat aek laut i di topi ni rihit na bontar. Dibuat si Jojor ma harotas tissue mangalap hodok ni si Tumpak. "Huk huk huk", batuk batuk si Leonard mamereng pangalaho ni si Jojor.
Tingki naeng digarar si Tumpak, ro si Lian mandok:"Au pe manggarar bang", ninna huhut mangalean hepeng tu par lapo i. "Toe ma au ma sahalion, ai hami naopat do nangkin na naeng marlange tuson, ho tamue nami do", ninna si Tumpak, huhut dijalo hepeng sian parlapo i dipaulak tu tangan ni si Lian.
Disangahon nasida do satongkin marlojong lojong dirihit di topi laut sahat tu potang pukkul satonga lima. Tarhatotong, maradian si Jojor satongkin, marningot disima ibana madabu, namaraek baju na mar lojong lojong jala dipakke ibana baju ni si Tumpak paima mahiang bajuna namaraek i. So boi tarhalupahonsa.
Mulak ma tu Sibolga didok si Jojor:" Bang bonceng jo au ma loja hulala na marlange i", ninna. "Ah ho nean, ndang tabo annon tu si Sun Lian, nangkin hami do na rampak ro", ninna si Tumpak. "Toe ma anggo songoni, ima donganmu ala bahat hepeng na, ndang mardongan pe taho", ninna laos lao imana tu motor na.
"Sahalakmu ma mulak da", ninna tu si Lian huhut marlojong, manaek imana tu motor ni si Jojor. "Boasa.mandele ho hasian ?", ninna si Tumpak mar gere gere. Digotil si Jojot gonting na suan pùdi. "Unang baen songoni madabu hita annon", ninna si Tumpak. "Ai na cemburu do ho ?", ninna si Tumpak muse. Ditarik ma sipareon hambirang ni si Tumpak. "Ai na manghatai bisnis do hami di kolam i nangkinng", ninna si Tumpak. "So husungkun aha dihatai hamu, na marhallet pe hamu dia ma huboto i", ninna si Jojor mangalusi. "Aso adong do donģanhu mulak tu huta, songon naloja huhilala namarlange i", ninna si Jojor sidalianna.
Saganjang pardalanan mulak tu dolok, tu Simaninggir, maradian nasida natolu di undung undung na adong lapo timus na manggadis kopi jonok tu batu lubang. Minum ma nasida disi minum tes, kopi na las ala ma naeng mondok ondok ala ni loja na marlange i.
Ari onan i dapot si Tumpak ma 1 ton gota, diboan ma tu tokke Akiong ala marjanji si Lian naeng manuhor dohot arga ni gota Rp 9.000 sakilo dos songon arga ni fabrik crumb rubber PT. Agung Sibolga Lestari, Sarudik.
Gabe marminggu di Sibolga nama si Longga dohot anggina i, si Jojor asa hatop nasida lao marsiajar marlange di hotel di Pandan rampak dohot namboruna dohot si Leonard. Anggo si Tumpak parpudi pe ro ala rap marminggu dohot natorasna dohot iboto iboto na di huta, pajumpang arian di Pandan ma nasida.
Pintor dipahojot si Jojor do parjolo mambuat kunci ni motor, parjolo ibana, asa dibonceng si Leonard kakakna annon. Diantusi si Longga do nadiroha ni anggina i, annon arian asa si Tumpak mambonceng ibana mulak.
Alai behama baenon ni si Longga, alang do rohana, ala tangkas do diboto adong roha ni si Tumpak tu anggina i. Nangpe songoni, ndang apala tangkas diboto si Longga songon dia roha ni anggi nai tu si Tumpak. Disada tingki disungkun si Longga :"Jor bea do pardonganon mu dohot si Tumpak?". "Ah kakak on, iba bajar dope, bea huroha, na lomo roha ni kakak ?", ninna mangalusi, tarsonggot hian si Longga alus na i. "Daong, nauhida dipajonok jonok si Su Lian tu ibana ?", ninna si Longga mengkel, mar rara hurumna.
Hape parpudi on pingkiran ni si Longga ma dao muba sian naujui, na jais rohana marnida hapogoson ni si Tumpak. Dungi muse ma tarida lam balga boniagana parpudi on, marmula mai ala denggan ni pangalaho ni si Tumpak tu angka sisolhot na, olo manggadis gota tu ibana nang pe marutang, sadari sahat tu saminggu. Somal na anggo panderes, ingkon kontan do digarar. Molo porlu tondong na boras, miak tano, gula dohot naasing dilean do tong marutang di lapo kios na i. Diparetongkon muse sian asam ni gota na digadis.
Manogot i andorang so tu gareja martelpon si Su Ĺian:"Bang andigan do ho ro tu Sibolga?". "Bea huroha, adong naporlu?", ninna si Tumpak. "Annon naeng tu Pandan, naeng marsiajar marlange hami", ninna muse manguduti. "Sian tokko ma ho da asa dohot au, adong na porlu tahatai", ninna mangalusi.
Nunga tarlambat si Tumpak ro, anggo halak si Longga ma busisaon di kolam, molo ndang ro ndang saut be nasida marsiajar marlange. Pukul sada pe si Tumpak baru ro alai ndang sahalakna, dohot anak boru na mar kaca mata na birong mar saloar na jempek mar kaos na rara. "Good morning", ninna si Lian na singkola SD, SMP di Singapur i. ""Nga leleng hamu?", ninna si Tumpak. "Ndang dope bang", ninna si Leo. Si Longga holan na mengkel do. Ia si Jojor di siramhon do aek sian kolam i, maraek baju ni si Tumpak. Mengkel do si Jojor nean ale asing engkel na, asom, songon na murhing pardompahanna.
Diajari si Lian ma si Leo dohot si Longga marlange dohot gaya, songon bojak. Anggo si Jojor ndang olo diajar si Lian, ingkon si Tumpak, ditiop do tangan na jala tar mandao dao sian nasida natolu. Alai nangpe mandao dao sai dimata babihon nasida do pangalaho ni si Tumpak dohot si Jojor. Bahatan marmeam meam do nasida. Sipata ndang tarida nasida ala lonong ditoru ni aek i satongkin, masi somburan aek huhut masilelean di aek na sa andora bagas nai.Mamereng i sogo do roha ni si Leo mamereng si Tumpak ala dongan na sian dakdanak do antong si Jojor.
Ala so somal dope marlange di kolam, marsaloar panjang sian kaos nasida na dua, si Jojor mar kaus na bontar. Si Tumpak mar saloar na jempek ndang marbaju. Ia si Su Lian ma marpahean renang nasian tokko i, songon na di filem filem i.Holan 10 meter do bidang ni kolam i ndang boi dope dilangei nasida. Anggo si Sun Lian ma boi 5 hali mulak hulak ganjang ni kolam i, 25 meter. Talu do si Tumpak tinggal dipudi, ala nasomal maridi di aek godang di huta.
Dung satonga jom ditinggalhon ma nasida natolu marsiajar sandiri. Nasida nadua, si Su Lian dohot si Tumpak marlange ma dao tu na bagas, marlange gaya bebas sa ganjang ni kolam i, 25 meter mulak ulak. Sipata maradian di topi ni kolam i huhut mengkel engkel masi simburan aek dohot manghata hatai taringot tu bisnis.
"Nunga 2 hali onan ndang manulak gota ho bang, tuise do digadis ho?", ninna si Lian. "Hu gadis tu fabrik PT ASL di Sarudik, tumimbo do sian arga panuhoran mu", ninna si Tumpak mangalusi.
Ala so agen ni si Akiong, sipata lao do si Tumpak.tu tokke na di Sambas dohot na di Kotabaringin manungkun arga. Ujung na digadis ma tu pabrik.gota na di Sarudik i. Satingki i, untimbo panuhoran ni fabrik, ninna ala adong kontrak ekspor nasida tu Italy dohot Jerman, ingkon hatop borhat ala ma dipima kapal di pelabuhan Belawan. Naeng dipakke gota crumb rubber kwalitet nomor sada i ninna mambaen ban ni mòbil balap dohot ban hapal habang.
"Onan naro tu hami ma gadis da, pos roham dos pe hubaen arga na dohot na asing", ninna si Lian. Sadia bahat boi gadisonmu ?", disungkun si Lian muse. " Tar 700 - 800 kilo.ra", ninna si Tumpak.
Ma tamba antong tolu halak agen ni si Tumpak di tolu huta. Si.Osman ma di huta Bonandoloķ, dongan sabutuha na, si Januari di Rampa dongan sahutana dohot si Daulat di Sitahuis, donģan sasingkolana ujui di SD, anak ni tokke gota, nahinan.
"Bang beta ma mulak, ma male butuha", ninna si Jojor gogo soarana. "Hatop do male na marlange on ba", ninna si Leo. "Paima ma 3 x na i hami marlange mulak mulak asa mangan hita, beta Tumpak", ninna si Lian. Marlange ma nasida 3 hali nai mulak ulak ndang mangaso pe nanggo satongkin.
Dungi, lao ma nasida na lima mangalului lapo na manggadis dengke na tinutung, di topi dalan kuli ndang pola dao sian hotel i. Si Lian ma gabe supir ni sedan i, si Longga hundul di jolo. Si Jojor ditonga tonga ni si Tumpak dohot si Leo di pudi.
Las dope dekke na baru ditangkup nasogot, holan manganggo timus ni api i ma male butuha. Mar roan hodok ala ni siak ni lasiak China, asom, kecap dohot bawang. Untung do mangullus alogo sian laut i ala so mar dorpi lapo i, uli idaon laut i mar galumbang gelleng gelleng, mardisir tingki sahat aek laut i di topi ni rihit na bontar. Dibuat si Jojor ma harotas tissue mangalap hodok ni si Tumpak. "Huk huk huk", batuk batuk si Leonard mamereng pangalaho ni si Jojor.
Tingki naeng digarar si Tumpak, ro si Lian mandok:"Au pe manggarar bang", ninna huhut mangalean hepeng tu par lapo i. "Toe ma au ma sahalion, ai hami naopat do nangkin na naeng marlange tuson, ho tamue nami do", ninna si Tumpak, huhut dijalo hepeng sian parlapo i dipaulak tu tangan ni si Lian.
Disangahon nasida do satongkin marlojong lojong dirihit di topi laut sahat tu potang pukkul satonga lima. Tarhatotong, maradian si Jojor satongkin, marningot disima ibana madabu, namaraek baju na mar lojong lojong jala dipakke ibana baju ni si Tumpak paima mahiang bajuna namaraek i. So boi tarhalupahonsa.
Mulak ma tu Sibolga didok si Jojor:" Bang bonceng jo au ma loja hulala na marlange i", ninna. "Ah ho nean, ndang tabo annon tu si Sun Lian, nangkin hami do na rampak ro", ninna si Tumpak. "Toe ma anggo songoni, ima donganmu ala bahat hepeng na, ndang mardongan pe taho", ninna laos lao imana tu motor na.
"Sahalakmu ma mulak da", ninna tu si Lian huhut marlojong, manaek imana tu motor ni si Jojor. "Boasa.mandele ho hasian ?", ninna si Tumpak mar gere gere. Digotil si Jojot gonting na suan pùdi. "Unang baen songoni madabu hita annon", ninna si Tumpak. "Ai na cemburu do ho ?", ninna si Tumpak muse. Ditarik ma sipareon hambirang ni si Tumpak. "Ai na manghatai bisnis do hami di kolam i nangkinng", ninna si Tumpak. "So husungkun aha dihatai hamu, na marhallet pe hamu dia ma huboto i", ninna si Jojor mangalusi. "Aso adong do donģanhu mulak tu huta, songon naloja huhilala namarlange i", ninna si Jojor sidalianna.
Saganjang pardalanan mulak tu dolok, tu Simaninggir, maradian nasida natolu di undung undung na adong lapo timus na manggadis kopi jonok tu batu lubang. Minum ma nasida disi minum tes, kopi na las ala ma naeng mondok ondok ala ni loja na marlange i.
Ari onan i dapot si Tumpak ma 1 ton gota, diboan ma tu tokke Akiong ala marjanji si Lian naeng manuhor dohot arga ni gota Rp 9.000 sakilo dos songon arga ni fabrik crumb rubber PT. Agung Sibolga Lestari, Sarudik.
No comments:
Post a Comment