NDANG TARTANGISHON

DANG TARTANGISHON
TUMAGONAN MA TINORTORHON.
by Tomos Situmeang

E tahe, sambor ni sibaran
Siamun paranggiran
hambirang mual tahuan
Di Torsina hatadingan
tu Dangsina so taraduan

Ia binahen tu halang ulu
dipasuda partambuan
Dung pinahundul di talaga
disobur parbasuan

Marisuang do ho manggulut halilu
Ai hot do anak ni raja tung pe di talaga
Alai munsat do juluan molo ditean hatoban

Naeng ho raja panungkunan
Antong mansadi manggorgai
Manghohom mamilangi
Bongoti ma sampuran rea
Adian ni raja, ugasan pardihuta

Ai luntak do saba jonok binahen ni pamolusan
Bangko ni na solhot do masialusan
Tagonan ma ho hohom huhut manangi
Molo tung pe ribur nonang nami

Onma peop tona sian siualu huta
“Ndang tarsuhar na holom dumadang ari,
Ndang tarsigati holong ni na marhahamaranggi"

Sidalianhu doi manise hamu.
Horas ari minggu ma dihita.🙏🏼