MARAEK SAPU TANGAN

 

MARAEK SAPU TANGAN
By Pino

Dung pesta Natal lao ma hami mandapothon silang
Marrara dope tano i, baru tubu ilalang
Maraek ma sapu tangan
Marningot ho inang hasian

Nunga sonang roham disan
Malum sude sahit ni pamatang
So boi  hulupahon hami holong mi dainang
Pos ma roham hujaga hami pe damang

Diummai ma goarmu di silang
Mulak ma hami da inang
Rope hami tingki Paskah, diari hatutubum
Mambon kue ndang be mar lilin
Tanda lungun ni roha