Lungun pangkuling ni poti marende
Mangalakka dua namasihaholongan
Langet langet dikarpet tu langgatan
Sude simalolong tarhatotong
Sude hohom
Amang pandita maniuri roha
Tarlobi nanaeng tarpasu pasu
Dua gabe sada
Dijolo ni Debata nang ruas nihuria
Mandok janji naingkon gabe sada
Songon tintin napasada
Dua gabe sada
Sude tondong dohot nahinaholongan
Martata ro tu pesta bolon
Mangalean tangiang patuduhon holong
Dohot ulos namanghorhon
Au dohot inong pangintubum
Parherbang ulos hela
Asa hamu nadua gabe sada
Laos huendehon ma Borhat ma dainang
Rohangku pe martutuk hian
Dung mareak potang
Borhat tu huta naimbaru
Tanganmu haluar sian jandela
Marbelok di pengkolan
Rohangku hamagoan
Ilu sai maraburan
No comments:
Post a Comment