HOLONG NASO TARPUTIK

HOLONG NASO MARTOPI
by Pino

Alogo ndang tarida, alai taroktok akbukbak
Tingki marsijalangan, didok ho goarmu
Goar nasai sangkot di pingkiran
Partinandaan di topi ni tao

Tiap ari sonang roha mamereng engkelmi
Pardompahan na mambaen au sai marnipi
Hutundalhon sude si doli nanaeng mardongan dongan
Hututup rohangku tu naasing
Dung diumma ho hurumhu
Didok ho holong roham

Minggu marganti bulan, bulan marganti taon
Rondang bulan ditutupi ombun
Diribur ni onan pe au sai malungun
Ndang tartaon be sai ro rimbus ni mata
Ala surat surathu pe so marbalos

Hubaen do nean laho mangalupahon ho hasian
Alai ate atengku lam hansit
Ditingkii roma sibaoa adi
Mamboan ubat, ubat ni sahit namangkaholongi ho
Diboan ma au tu pulau Dewata
Mangubati arsak na masihol tu ho

Mardosa do au ulaning mangendehon lagunta i
Anggo boi nean hita pajumpang
Nang pe holan mamereng engkel suping mi
Sai naeng do hutelpon mambege suaram
Alai mabiar au,ra nunga sonang roham saonnari
Dohot boru ni namora i

Saonnari hita nunga gabe
Husurathon ma nasolot ni ate ate  
Di buku harian namarlappak harotas mas
Nunga malum be hansit ni roha
Las roha molo dung las roham dohot ibana
Tangiangku hatop ma hamu gabe
Ai holong pe ndang na ingkon tarputik