SI SU LIAN MANJONOHI SI TUMPAK
Saleleng 7 bulan si Tumpak manggadis gota tu si Akiong di Sibolga, somal do manghatai do dohot 2 anak ni tokke i, sada baoa, sada namarbaju. Baoa ima na manimbang, jala namarbaju ima gabe kasir, na manggarar. Ala ndang manginjam hepeng ni tokke i, boi do si Tumpak manggadis tu tokke na asing na adong di Sibolga songon na di kota Baringin manang na di Sambas manang tu fabrik..
Ido alana boru ni si Akiong, si Su Lian mandok asa gabe agen si Tumpak "Asa umbalga modal mu boi do pakeon mu hepeng", ninna tingki di ari onan tingki ditimbang gotana. "Mauliate Lian, gelleng dope omzet hu, haduan mai ate", ninna si Tumpak mangalusi lambok. "Molo di pinjam ho hepeng, boi ma ho gabe agen nami, ndang loja be ho lao tusan tuson, mangalului panuhor na asing", ninna si Lian muse. "Haduan ma tahatai da", ninna si Tumpak huhut manorguk teh kosong na ngali na nilean ni si Lian.
Tu aha porlu modal ai olo do angka tondong, hombar balok dohot dongan paimahon hepeng dung hugadis gota i. Holan sadari dua ari ma hugarar, jot jot tahe potang i pintor hugarar do dung mulak au sian Sibolga. Ima di roha ni si Tumpak.
"Check ma hubaen manggarar gota mon?", ninna si Lian. "Giro ma baen asa husetor tu rekening ku di Bank BRI", ninna si Tumpak. "Bah, ma adong hape rekening mu ate", ninna si Lian huhut mengkel jala di mata babihon si Tumpak. Mallobok taroktok ni si Tumpak mamereng pardompahan ni si Lian na marrara sitalbeon na. Sahali on dope songoni engkel ni boru ni tokke i tu ibana. "Boanon hepeng, dibereng halak, olo annon ditangko", ninna si Tumpak.
Nunga tonga sada tingki i, mangan arian ma tokke i.. "Beta mangan" ninna si Lian. Ndang sanga dialusi, ro muse tokke i manggorahon:"Unang pola maila ho", ninna marnida marrara hurum ni si Tumpak.
Dibereng sipanganon nasida, songon nasomal do, adong bubur, mie, dekke, juhut manuk dohot babi. Hurimpu do angka na arga arga i rupani, songon dekke cumi cumi, manang udang. Dijabu ni si Longga pe tong do sarupa. Songoni do molo halak China nang pe mamora tong do hemat nasida. Binege do carito molo mandasor dope, olo do nasida holan na mangan bubur. Ima na adong dipikkiran ni si Tumpak.
Saminggu dung i, di ari Sabtu, manghuling klekson ni mobil sedan :"Tet tet". Tarida si Lian dohot supir maradian di jolo ni kios, jabu ni si Tumpak di Simaninggir. Tarsonggot si Tumpak ndang managam maradian borua na uli i. "Horas bang", huhut di jalang jala torus naek tangga tu jabu. "Maaf Lin, songonon ma jabu di huta huta, amang, inang lao tu balian", ninna. "Hubaen jo tes da", ninna si Tumpak. "Ndang pola Tumpak, satongkin do au, naeng mangorahon ho do au tu Medan mardalani", ninna huhut mengkel. "Bah bohado dongkononghu ate, sahali nai ma da, bahat dope karejo, mauliate ma", ninna si Tumpak. "Anggo songoni torus majo au da, sahali nai ma", ninna si Sui Lan huhut ditiop gomos tangan nisi Tumpak tingki mudun sian tangga. Ndang boi tarpodom si Tumpak borgin i ala na so hea dope jonok mardongan dohot namarbaju halak China.
Leleng leleng denggan ma parsaoran nasida. Molo ari onan manogot na i sai dipaboa si Lian do arga ni gota panuhoran nasida di Sibolga asa diboto si Tumpak manuhor, asa unang rugi ibana, hape nean si Tumpak ndang agen ni si Akiang, agen bebas do ibana. Songoni do tong, molo manaek manang turun arga ni gota di Singapur pintor dipaboa do tu si Tumpak, ai tiap ari do nasida manghatai dohot par Singapur jala manonton TV barita na marhata China sian Hong Kong dohot Singapur.
Ndang holan si Su Lian na burju, bapak, inang dohot abang na pe tong do burju tu si Tumpak ala burju diida jala ndang adong utang na, ndang parisap muse.
Songoni do halak China molo dung porsea nasida olo do mangalean dalan molo adong hagogotan manang olo do manginjamhon hepeng pabalgahon boniaga.
Dung dijalo Bilyet Giro i tor hatop do disetor si Tumpak tu Bank BRI, dijumpangi ma abang dongan sabutuha na i manukkun sadia do balga ni omzetna na dua bulan parpudi on dung dibukka Tabungan i. Dietong abang nai ma, sadia omzet na sabulan, sadia muse tinggal hepeng na di rekening. Saminggu olo manuhor 400 - 500 kilo argana Rp 7.500 - Rp 8.000 sa kilo.Saminggu rata rata ma Rp 4 - Rp 5 juta. Bulan February omzet na Rp 15 juta, bulan Maret Rp 17.500.000. Adong ma tinggal hepeng di Tabungan tgl 1 April Rp. 1.500.000.-. Tabungan na i tinggal Rp 1,5 juta ala dibaen deba manuhor boras, miak bensin dohot miak tano dohot balanjo nasida. Asam ni hepeng si Rp 1,5 juta i, ma boi manambai manuhor gota hira hira 200 kilo nai sian pangguris na asing, namangido digarar kontan. Boi ma manuhor gota gabe 700 kilo sa onan, sa minggu, hira hira Rp 5,5 - Rp 6 juta ma asam ni i.
Andorang so marsirang nasida, margere gere ma abang nai :"Ida ma puang ma gabe jutawan ho, ma boi ho mangoli, ma adong hallet mu ?", ninna huhut rap mengkel nasida nadua. "Botimai kedan, sude hepeng ni tiga tiga mi pamasuk ma tu Bank, molo naeng manuhor bensin, boras ho, buet ma sian ATM, annon gabe umbalga ma balga ni omzetmu tarsurat di buku on", ninna patoranghon.Unang be pasomal manakkui hepeng:, ninna mamodai ibana. Diorahon ma si Tumpak tu bilut ATM di luar ni kantor Bank i, disuru ma dibaen Password ni ATM i, jala dipamasuk si Tumpak ma kartu ATM i tu dompet na. Molo mambuka dompet tor tarida ma antong kartu ATM ni BRI i.
"Ai somalna, hepeng panggadisan ni gota i do hubaen manuhor boras, miak, gulo lan na asing bang", ninna si Tumpak. "Ima rahasiana daba, molo disetor ho sude, pintor tarida ma di buku Tabunganmu sadia balga ni omzetmu, diboto Bank ma, cash flow parhepengonmu", ninna abang na i. "Repot do ate bang". "Ba ido rahasia ni Bank hupaboa tu ho". Rap mengkel nasida nadua huhut marsirang.
Dinasahali di ari Minggu lao ma keluarga ni Akìong piknik tu pulo Poncan di jolo ni teluk Tapian Nauli. Diorahon do si Tumpak. Tokke i do mandok:" Piknik hita marsogot, dohot maho da", ninna. Si Lian namambege mengkel huhut diundukhon simanjujugna. "Boi do boanon hu dongan ?", ninna si Tumpak tu si Lian. "Boan ma 3-4 halak siat dope kapal i", ninna. "Boanonmu halletmu?", ninna si Lian huhut dimata babihon si Lian. Bahat do nasida na piknik i, 8 halak sian jabu ni si Akiong, 3 ma dongan ni si Tumpak, ima si Longga, Jojor dohot si Leonard.
Andorong so borhat rombongan tu kapal didok si Tumpak ma tu si Lian :"Tu Bank ma hita satongkin asa hubuat jo hepeng tu ATM da", ninna. "Adong do dison hepeng,", ninna si Lian. "Ndang tabo Lian hami kan 4 halak gararonmu:, ninna si Tumpak huhut mardalan ma mobil i tu Bank BRI jonok ni tangga saratus.
Di pulau Poncan sude nasida marmeam mean, mar lojong lojong di topi ni laut na ias mar rihit na bontar, ribur do halak na piknik tingki i. Abang ni si Su Lian dohot 2 anak na marmeam aek laut ditopi, si Akiong, inantai dohot na asing hundul di lage lage na bahat sipanganon dohot siinumon. Si Longga dohot si Leonard, pariban na i dohot hundul dilage marsaor dohot keluarga ni si Akiong, ala ditanda do natoras na nasida nadua. Mabiar do nasida nadua marlange.
Na marlange holan tolu halak do, si Tumpak, Su Lian dohot si Jojor. Si Tumpak malo do marlange di aek godang na bagas di huta, si Su Lian somal do marlange di kolam renang di hotel. Ia si Jojor marlange mamakke ban ni mobil na birong, sipata modom diginjang, sipata mardalan. Tingki lao marlange dipasingot inang ni si Su Lian :"Unang dao hamu lao tu tonga tonga da", ninna. Alai ala tabona masi onjaran tar dao ma nasida, hape ro ma galumbang na timbo diboan ma nasida lam dao. Lao mulak tu topi, ma loja be si Su Lian ndang taralo ibana be galumbang i. Si Jojor pe ndang sahat be patna tu tano, bangkol lao mulak. Ba diompa si Tumpak ma si Su Lian ditiop gomos rungkung ni si Tumpak. Tangan hambirang muse manait ban ni si Jojor. Matung mabiar si Tumpak molo diboan galumbang i nasida.
Dimuruhi inang ni si Su Lian ma nasida natolu dung sahat tu topi. "Ma hudok nangkining, unang dao hamu tu tonga tonga", ninna. "Maaf ma, maaf ma", ninna Su Lian huhut marsomba 2 tangan na.
Dipardalanan mulak tu Sibolga potang i, dijolo ni si Akiong disungkun si Su Lian ma si Tumpak:"Boi do tuhoronmu tamba ni gota mi nanggo apala sa ton", ninna. "Hulean hami pe modal", ninna si Akiong manambai. "Hulului pe bapak tu huta hombar balok haduan", ninna si Tumpak mangalusi.
Si Su Lian sai dibuat do roha ni si Tumpak boa asa boi gabe jonok nasida.
Sai naeng dihita hita do aso gabe agen ni si Akiong ibana, unang be digadis tu tokke na asing. Songoni do halak i, nang pe didia, nang pe piknik, ndang maradian mamikkiri dohot manghatai bisnis.
Saleleng 7 bulan si Tumpak manggadis gota tu si Akiong di Sibolga, somal do manghatai do dohot 2 anak ni tokke i, sada baoa, sada namarbaju. Baoa ima na manimbang, jala namarbaju ima gabe kasir, na manggarar. Ala ndang manginjam hepeng ni tokke i, boi do si Tumpak manggadis tu tokke na asing na adong di Sibolga songon na di kota Baringin manang na di Sambas manang tu fabrik..Ido alana boru ni si Akiong, si Su Lian mandok asa gabe agen si Tumpak "Asa umbalga modal mu boi do pakeon mu hepeng", ninna tingki di ari onan tingki ditimbang gotana. "Mauliate Lian, gelleng dope omzet hu, haduan mai ate", ninna si Tumpak mangalusi lambok. "Molo di pinjam ho hepeng, boi ma ho gabe agen nami, ndang loja be ho lao tusan tuson, mangalului panuhor na asing", ninna si Lian muse. "Haduan ma tahatai da", ninna si Tumpak huhut manorguk teh kosong na ngali na nilean ni si Lian.
Tu aha porlu modal ai olo do angka tondong, hombar balok dohot dongan paimahon hepeng dung hugadis gota i. Holan sadari dua ari ma hugarar, jot jot tahe potang i pintor hugarar do dung mulak au sian Sibolga. Ima di roha ni si Tumpak.
"Check ma hubaen manggarar gota mon?", ninna si Lian. "Giro ma baen asa husetor tu rekening ku di Bank BRI", ninna si Tumpak. "Bah, ma adong hape rekening mu ate", ninna si Lian huhut mengkel jala di mata babihon si Tumpak. Mallobok taroktok ni si Tumpak mamereng pardompahan ni si Lian na marrara sitalbeon na. Sahali on dope songoni engkel ni boru ni tokke i tu ibana. "Boanon hepeng, dibereng halak, olo annon ditangko", ninna si Tumpak.
Nunga tonga sada tingki i, mangan arian ma tokke i.. "Beta mangan" ninna si Lian. Ndang sanga dialusi, ro muse tokke i manggorahon:"Unang pola maila ho", ninna marnida marrara hurum ni si Tumpak.
Dibereng sipanganon nasida, songon nasomal do, adong bubur, mie, dekke, juhut manuk dohot babi. Hurimpu do angka na arga arga i rupani, songon dekke cumi cumi, manang udang. Dijabu ni si Longga pe tong do sarupa. Songoni do molo halak China nang pe mamora tong do hemat nasida. Binege do carito molo mandasor dope, olo do nasida holan na mangan bubur. Ima na adong dipikkiran ni si Tumpak.
Saminggu dung i, di ari Sabtu, manghuling klekson ni mobil sedan :"Tet tet". Tarida si Lian dohot supir maradian di jolo ni kios, jabu ni si Tumpak di Simaninggir. Tarsonggot si Tumpak ndang managam maradian borua na uli i. "Horas bang", huhut di jalang jala torus naek tangga tu jabu. "Maaf Lin, songonon ma jabu di huta huta, amang, inang lao tu balian", ninna. "Hubaen jo tes da", ninna si Tumpak. "Ndang pola Tumpak, satongkin do au, naeng mangorahon ho do au tu Medan mardalani", ninna huhut mengkel. "Bah bohado dongkononghu ate, sahali nai ma da, bahat dope karejo, mauliate ma", ninna si Tumpak. "Anggo songoni torus majo au da, sahali nai ma", ninna si Sui Lan huhut ditiop gomos tangan nisi Tumpak tingki mudun sian tangga. Ndang boi tarpodom si Tumpak borgin i ala na so hea dope jonok mardongan dohot namarbaju halak China.
Leleng leleng denggan ma parsaoran nasida. Molo ari onan manogot na i sai dipaboa si Lian do arga ni gota panuhoran nasida di Sibolga asa diboto si Tumpak manuhor, asa unang rugi ibana, hape nean si Tumpak ndang agen ni si Akiang, agen bebas do ibana. Songoni do tong, molo manaek manang turun arga ni gota di Singapur pintor dipaboa do tu si Tumpak, ai tiap ari do nasida manghatai dohot par Singapur jala manonton TV barita na marhata China sian Hong Kong dohot Singapur.
Ndang holan si Su Lian na burju, bapak, inang dohot abang na pe tong do burju tu si Tumpak ala burju diida jala ndang adong utang na, ndang parisap muse.
Songoni do halak China molo dung porsea nasida olo do mangalean dalan molo adong hagogotan manang olo do manginjamhon hepeng pabalgahon boniaga.
Dung dijalo Bilyet Giro i tor hatop do disetor si Tumpak tu Bank BRI, dijumpangi ma abang dongan sabutuha na i manukkun sadia do balga ni omzetna na dua bulan parpudi on dung dibukka Tabungan i. Dietong abang nai ma, sadia omzet na sabulan, sadia muse tinggal hepeng na di rekening. Saminggu olo manuhor 400 - 500 kilo argana Rp 7.500 - Rp 8.000 sa kilo.Saminggu rata rata ma Rp 4 - Rp 5 juta. Bulan February omzet na Rp 15 juta, bulan Maret Rp 17.500.000. Adong ma tinggal hepeng di Tabungan tgl 1 April Rp. 1.500.000.-. Tabungan na i tinggal Rp 1,5 juta ala dibaen deba manuhor boras, miak bensin dohot miak tano dohot balanjo nasida. Asam ni hepeng si Rp 1,5 juta i, ma boi manambai manuhor gota hira hira 200 kilo nai sian pangguris na asing, namangido digarar kontan. Boi ma manuhor gota gabe 700 kilo sa onan, sa minggu, hira hira Rp 5,5 - Rp 6 juta ma asam ni i.
Andorang so marsirang nasida, margere gere ma abang nai :"Ida ma puang ma gabe jutawan ho, ma boi ho mangoli, ma adong hallet mu ?", ninna huhut rap mengkel nasida nadua. "Botimai kedan, sude hepeng ni tiga tiga mi pamasuk ma tu Bank, molo naeng manuhor bensin, boras ho, buet ma sian ATM, annon gabe umbalga ma balga ni omzetmu tarsurat di buku on", ninna patoranghon.Unang be pasomal manakkui hepeng:, ninna mamodai ibana. Diorahon ma si Tumpak tu bilut ATM di luar ni kantor Bank i, disuru ma dibaen Password ni ATM i, jala dipamasuk si Tumpak ma kartu ATM i tu dompet na. Molo mambuka dompet tor tarida ma antong kartu ATM ni BRI i.
"Ai somalna, hepeng panggadisan ni gota i do hubaen manuhor boras, miak, gulo lan na asing bang", ninna si Tumpak. "Ima rahasiana daba, molo disetor ho sude, pintor tarida ma di buku Tabunganmu sadia balga ni omzetmu, diboto Bank ma, cash flow parhepengonmu", ninna abang na i. "Repot do ate bang". "Ba ido rahasia ni Bank hupaboa tu ho". Rap mengkel nasida nadua huhut marsirang.
Dinasahali di ari Minggu lao ma keluarga ni Akìong piknik tu pulo Poncan di jolo ni teluk Tapian Nauli. Diorahon do si Tumpak. Tokke i do mandok:" Piknik hita marsogot, dohot maho da", ninna. Si Lian namambege mengkel huhut diundukhon simanjujugna. "Boi do boanon hu dongan ?", ninna si Tumpak tu si Lian. "Boan ma 3-4 halak siat dope kapal i", ninna. "Boanonmu halletmu?", ninna si Lian huhut dimata babihon si Lian. Bahat do nasida na piknik i, 8 halak sian jabu ni si Akiong, 3 ma dongan ni si Tumpak, ima si Longga, Jojor dohot si Leonard.
Andorong so borhat rombongan tu kapal didok si Tumpak ma tu si Lian :"Tu Bank ma hita satongkin asa hubuat jo hepeng tu ATM da", ninna. "Adong do dison hepeng,", ninna si Lian. "Ndang tabo Lian hami kan 4 halak gararonmu:, ninna si Tumpak huhut mardalan ma mobil i tu Bank BRI jonok ni tangga saratus.
Di pulau Poncan sude nasida marmeam mean, mar lojong lojong di topi ni laut na ias mar rihit na bontar, ribur do halak na piknik tingki i. Abang ni si Su Lian dohot 2 anak na marmeam aek laut ditopi, si Akiong, inantai dohot na asing hundul di lage lage na bahat sipanganon dohot siinumon. Si Longga dohot si Leonard, pariban na i dohot hundul dilage marsaor dohot keluarga ni si Akiong, ala ditanda do natoras na nasida nadua. Mabiar do nasida nadua marlange.
Na marlange holan tolu halak do, si Tumpak, Su Lian dohot si Jojor. Si Tumpak malo do marlange di aek godang na bagas di huta, si Su Lian somal do marlange di kolam renang di hotel. Ia si Jojor marlange mamakke ban ni mobil na birong, sipata modom diginjang, sipata mardalan. Tingki lao marlange dipasingot inang ni si Su Lian :"Unang dao hamu lao tu tonga tonga da", ninna. Alai ala tabona masi onjaran tar dao ma nasida, hape ro ma galumbang na timbo diboan ma nasida lam dao. Lao mulak tu topi, ma loja be si Su Lian ndang taralo ibana be galumbang i. Si Jojor pe ndang sahat be patna tu tano, bangkol lao mulak. Ba diompa si Tumpak ma si Su Lian ditiop gomos rungkung ni si Tumpak. Tangan hambirang muse manait ban ni si Jojor. Matung mabiar si Tumpak molo diboan galumbang i nasida.
Dimuruhi inang ni si Su Lian ma nasida natolu dung sahat tu topi. "Ma hudok nangkining, unang dao hamu tu tonga tonga", ninna. "Maaf ma, maaf ma", ninna Su Lian huhut marsomba 2 tangan na.
Dipardalanan mulak tu Sibolga potang i, dijolo ni si Akiong disungkun si Su Lian ma si Tumpak:"Boi do tuhoronmu tamba ni gota mi nanggo apala sa ton", ninna. "Hulean hami pe modal", ninna si Akiong manambai. "Hulului pe bapak tu huta hombar balok haduan", ninna si Tumpak mangalusi.
Si Su Lian sai dibuat do roha ni si Tumpak boa asa boi gabe jonok nasida.
Sai naeng dihita hita do aso gabe agen ni si Akiong ibana, unang be digadis tu tokke na asing. Songoni do halak i, nang pe didia, nang pe piknik, ndang maradian mamikkiri dohot manghatai bisnis.
No comments:
Post a Comment