MALLOBOK TAROKTOK

MALLOBOK TAROKTOK
by Pino *)

Tung so taranju do taroktok marlobok lobok
Solpa diadopan hi huta
Bungkulan ni bagas nisi boruadi
Holong pamuhai
Mangebati huta hagodangan
Ujung ni taon

Balian ni huta i, pardegean ombas gotilon
Robean parsobanan
Sanduduk nang haramonting
Pargulutan ni tanganta
Sude do pasunggul roha

Pasuo bunga ni habajaron
Au dohot ho, ho dohot au
Sun hinaulim, panailim
Martata, mangiburu, manderse
Manginsombut, marsigorgor sihol

Ro ma rimbus, pangorong ni asu
So haru unang nian binsar mata ni ari
Asalma borngin i raphon ho
Au dohot ho, ho dohot au
Dang ise siboto rongkap
Nimmu tu ahu, ningku tu ho

Dang huparorot sihol maradophon ho
Aha pe na masa, holong na hot
Raphon sirongkap ni tondingku
Naung gabe ma ahu, maranak marboru
Nunga gabe ho, maranak nang marboru
Raphon sirongkap ni tondim.

*) Referensi Torsa ni Darman Rajagukguk