Kolaborasi: Lince Nainggolan, Pinondang Situmeang
Mallobok taroktok songon hasak ni galumbang
Gomos dihaol ho uju naeng tinggang
Patudu holong ni roham
Holan na mengkel martata hita nadua
Marapi purun do holongku
Songon holong mu ito na uli lagu
Alai mangkuling ma ina
Ijo do mata ni borua marnida diploma
Marsipata tu ho ma sudena
Si doli na jogi
Marsomba tu damang dainang
Manangko roha naung solot di roham
Malala rohangki, marsalaon ate ateki
Ala ni holong huleon do sude naummarga
Alai naso laosonmu patik
Bernit nai putihon ni si doli naso huhaholongi ma hape
Magurbak simalolong
Sai hutailihon tu pudi paima harorom
Tinggal ma ho haholongan
Dang taranggukhon ponjot ni rohanghi
Dangol nisitaonon on
Sirang nama hita haholongan
Haol, umma majo au
Ingot ma ito na uli basa
Pasaut singkolam
Gabe ma ho, anggo holongmi solot do di rohangku
Sahat tu ujung ni ngolungku
No comments:
Post a Comment