Singkola ni si Jojor ujungna tammat ma raphon singkola ni si Leonard, pariban na i jala martahi borhat ma nasida tu Medan. Ido sinta sinta ni inang na ingkon singkola sa timbo timbona ala boi dope baenon nasida. Andorang so borhat dibaen do partangiangan di jabu ni bpk Longga di Simaninggir, dijou do Pandita. Dung sai mangan, mandok hata angka tondong, dalihan natolu, jala sidung marhobas, margitar gitar ma si Tumpak huhut rap marende ende nasida. Parpudi diendehon ma ende "Boasa ingkon pajumpang, hape ingkon marsirang".
Pardonganon ni Su Lian dengan Tumpak gabe lam jonok nangpe ndang pola lomo roha ni natoras nasida nadua. Natoras ni si Tumpak mangido ingkon mar boru Batak, natoras ni si Sun Lian pe naeng mar halak China.
Ala agen panggadis gota do si Tumpak sai dijaga do unang sega hubungan nasida. Alai ma tung pajonok hu pardonganon ni boru nai didok ma:"Lian ndang lomo roha nami pardongananmu dohot si Tumpak, unang sai dongan dongani be".
"Aha huroha na sala"
"Ho ingkon tu halak China do ho muli"
"Molo ditorushon ho do, di Singapur maho tinggal, urus ma usahanta i disan"
Pintor lao marlojong si Lian tu bilutna, dikunci sian bagasan.
Molo manggadis gota si Tumpak ma mandao dao si Su Lian. Alai tong do manghata hatai sian telopn nasida na dua.
"Tumpak ma dimuruhi aau, ndang boi be hita mardongan dongan"
"Aha huroha na sala tabaen"
"Ndang adong nean, mabiar annon gabe saut hita"
"Ba unang sai di bilut ho molo rro au"
"Suru onna ma au tu Singapur molo mangalo au, ai natorasmu pe tong do so lomo rohana tu au kan ?".
"Lomo do roha nasida tu ho, alai dipangido ingkon mar boru Batak au, alai lomokku do".
"Mangalua ma hita ?"
"Unang Lian, ndang boi aloonmu natua tua mu"
"Olo naso lomo do roham tu au"
"Ndang songoni Lian"
Tut tut tut, ditutup si Lian telponna.
Bulan Oktober musim ni tarutung di huta, mangekspor ma muse si Tumpak, sahalion 600 biji. Ala adong siuruson tu ekspedisi lao ma ibana tu Belawan. Di telpon do si Jojor di Medan pajumpang ma si Tumpak dohot si Jojor diorahon do kakakna si Longga minum di cafe di bandara Kuala Namu ala naeng borhat si Tumpak tu Singapur.
"Su Lian nga pinda tu Singapur ninna ate bang",
"Ninna ise ?"
"Ninna bapak"
"Inanta ni si A Kiong ndang lomo rohana Su Lian jonok jonok tu au"
"Ba nuaeng abang do na manjonohi", ninna si Jojor.
"Nanaeng nego arga ni tarutung do au tu Singapur"
"Ölo, ale pajumpang do abang, kan ?".
"Boan jo parfum ya bang", ninna si Longga.
"Ma dapot halletmu auditor Jojor ?"
Ditombishon si Jojor gotting ni si Tumpak.
"Unang lupa tuhor jo parfum da", ninna si Longga.
Sahalion 3 borngin si Tumpak di Singapur mangurus nego dohot panuhor tarutung tu panuhoran di musim bulan Desember naro.
Tiap borngin sai lao ma nasida minum minum tu restoran na adong parjujian. Sai marjuji do Su Lian dohot minum bir. Anggo si Tumpak ndang olo manginum bir, pintor mirdong do dibereng. Tarida sai songon na mirdong do dihilala Su Lian ala so ditolopi pardonganan nasida. Hape nean bahat do halak China na sohot dohot halak Batak, baoa nang dohot borua.
"Ai ise do baoa nasai pajumpang i hita di restoran i ?
"Songon na mesra do hamu huida"
"Ima nasai manjonoki au"
"Na cemburu do ho ?"
"Boasa cemburu au, pasaut ma, burju do huida"
"Sai tu abang do hupikkiri saleleng na on".
"Kan mamamu do naso olo"
"Ïnang pe tong do ndang olo parumaenhon au kan"
Tingki minum kopi nasida di Starbuck, dida nasida ma merek ni kopi nadi baen par cafe i, merek Mandhailing. Dihatai nasida ma muse taringot tu boniaga kopi na bahat ditanom di Siborong borong, jonokkon ni bandara Silangit. Denggan do kwalitet ni kopina i, angur, kopi Robusta songon angur ni kopi sian tana Gayo, Takengon. Mananom kopi denggan di tao na ngali songon kopi sian Sidikkalang dohot sian Mandailing. Sude kopi i lakku do di ekspor tu Luar Negeri.
Mulak tu hotel, tong dope nasida marnonang di kamar sahat tu tonga borngin ai tong do masihol si Su Lian. Dihatai nasida ma taringot tu bisnis kopi Siborongborong dohot kopi Mandailing ala jonok do Sibolga tu Siborongborong nang tu Padangsidempuan.
"Mar bisnis kopi ma hita"
Na uli, aupe"satolop"
"Sangahon ma lao manuhor kopi Siborongborong tingki mulak ho sian bandara Silangit"
"Hu coba majo mandai kopi di bandara Silangit"
"Baen hamu jo kopi susu i ito"
"Kopi sian dia do on ?"
"Kopi sian huta on, hami do manggiling i"
"Tabo jala huncus"
"Didia do sigadis kopi dison"
"Di sirpang tolu lapo na martingkat i, toko ni marga Sihombing"
"Mauliate, horas"
"Horas amang"
"Sadia kopi on sakilo ?"
"Rp 25.000'sadia bahat ?"
"Ndang boi hurang ?"
"Arga nuaeng ala ro udan"
"Baen ma 2 kilo amang"
Dung dituhor si Tumpak pintor ditelpon do si Su Lian di Singapur.
"Nga hutuhor be kopi 2 kilo"
"Tongos ma tu Laboratorium di Medan asa binoto kadar ni aek na"
"Hubege ma diekspor 200 ton tiap bulan tu Starback di Amerika, argana Rp 41.000 - Rp 44.000 per kg"
"Ïdo baen hudok mar bisnis kopi tuho, madiboto ho kan alamat ni Laboratorium"
"Hulului pe annon di internet,mura ma i"
No comments:
Post a Comment