KONGSI DOHOT SU LIAN
Tingki manggadis gota tu tokke Akiong, diorahon Su Lian ma si Tumpak mardaun pogu tu lapo natabo di R.M Thamrin. Disi disungkun Su Lian ma :"Boha do parlangku barang di lapo kios mi ?", ninna. "Langku do nian ala so adong dope lapo na balga di huta i sahat tu huta Bonandolok dohot Rampa", ninna si Tumpak. "Alai otik dope rumang ni na digadis", ninna muse manguduti. "Songonon mai, molo olo ho, kongsi ma hita tapabalga ma, asa unang pola dao nasida maronan tu Sibolga", ninna Su Lian. Diuduti Su Lian muse :"Adong hutanda distributor naro sian Medan mar mobil box", ninna muse.
"Songon dia ma par kongsinta, songon modal dohot parbagian di pangomoan?", ninna si Tumpak busisaon. "Anggo modal mambaen toko, modal manambai boras, miak, pabalgahon kios dohot rak rak, kulkas, masin kas register sian au mai, ma sae ra Rp 35 juta ate", ninna Sui Lan. "Beha do modal manuhor tu distributor na sian Medan i?, disungkun si Tumpak muse asa tangkas. "Eh Tumpak, kan kosignyasi doi, tagarar molo dung lakku do barang, arga na tabaen diginjang ni arga ni distributor, ima pangomoanta". "Ai boi do songoni?", ninna muse. "Ai songoni do uhumna Tumpak", ninna Su Lian mengkel martata. Bea ma par huta huta, dia ma diboto ibana i. "Ba ma denggan i huhatai majo dohot natuatua nang dohot ibotongku da", ninna si Tumpak mangalusi.
"Ari onan minggu naro rap lao ma hita mamereng lapo, kios mi, ate", ninna Su Lian. Diundukkon si Tumpak mandok "Olo, denggan", ninna. Lao ma halahi nadua, dung sidung maretong panggadisan ni gota minggu i. Mar motor do nasida, ndang marmobil ni si Akiong, ndang pola mabiar Su Lian mamereng lumbang na bagas i, ala si Tumpak do mamboan, pos do rohana ndang dia dia annon di dalan. "Langet langet ma hita da", ninna Su Lian huhut sai gomos ditiop gonting ni si Tumpak.
Dungi manghatai ma nasida na lima dohot natoras ni si Tumpak nang dohot ibotona, kakak na naung sohot na dohot manjaga lapo i, satolop ma nasida naeng gantionna kios papan i gabe ruko. "Ma hurang balga on Amang, dibaen ma muse rak rak, anggo miak tano dohot bensin tunang ma sainganan, tabaen ma toko nagumelleng di hambirang", ninna Su Lian ma muse. Dipaboa ibotona ima rumang ni sigadison, songon mie, sabun, kopi sachet tree in one, shampo,odol, roti ni dakdanak, susu, miak goreng, kacang, minuman botol/dus di kulkas dohot angka barang plastik Asing ni i naporlu siadapari songon boras, miak tano dohot miak bensin. Sipata dilului halak barang alai ndang adong.
Mareak potang ari pukul satonga opat, mulak ma halahi muse tu Sibolga, alai maradian ma di jabu ni si Longga. Dibereng si Longga nasida maradian, mengkel si Longga. "Sian dia hamu, masuk masuk ?", ninna si Longga. Dung hundul di bilut tamu, parmisi si Tumpak tu kamar mandi. "Horas nantulang, didia si Jojor?", ninna si Tumpak. "Jor, dilului ho", ninna inang na manjouhon di bilut na.
Haluar sian bilut na :"Bang adong filem Korea, beta manonton", ninna si Jojor. "Marganti baju ma ho da", ninna si Tumpak. Marende ende ma si Jojor ala las ni rohana. Sahat di bilut tamu tarsonggot ibana ala disi Su Lian. "Horas Jojor", ninna Su Lian mengkel huhut masijalangan, dibereng pardompahan ni si Jojor murhing. Dipatorang si Tumpak ma nanaeng kongsi nasida pabalgahon lapo, kios ni si Tumpak. Anggo si Jojor porsea so porsea do di sude pambaenan ni Sui Lan i. Mangiburu do dibagasan rohana, atik na adong do maksud ni Su Lian. Nang pe ditabunihon si Jojor tong do tarida di pardompahanna.
Ndang dohot Sui Lan manonton filem, dialap nasida si Leonard tu jabuna, alai ndang dijabu. Holan nasida natolu ma na lao manonton. Sahalion si Longga marsuru asa anggi nai hundul ditonga tonga, alai ndang olo ibana, muruk dope rohana tu si Tumpak na rappak dohot Su Lian padua dua.
Dung habis manonton, ndang olo si Jojor mangan di lapo, dipangido ibana ma asa ditaruhon tu jabu ni namboruna di dalan Singkola tukkang, ala ndang mago dope muruk ni rohana tu Su Lian. Mardandi ibana.
Marsogot nai, ala sai busisaon do si Tumpak didapothon ma abang na tu Bank BRI paboahon sangkap na naeng kongsi dohot Su Lian. "Ba lam dao huida pargaulanmu puang dohot boru ni tokke i", ninna abang nai huhut mengkel. "Abang on, dia ma olo boru China i tu iba anak ni napogos on, dongan na namora bahat di Singapur", ninna si Tumpak.
"Songonon bang, dipangido ibana marbagi pangomoan 60 : 40, boa do diroham?", disungkun si Tumpak naso umboto hasomalon ni namar kongsi. "Sadia nimmu, 60:40, ma rinttik do i, naso holong do rohana tu ho anggo songoni, nego ma muse gabe 85:15", ninna abang nai songon na hirput bohina. "Molo so olo beha ?", ninna si Tumpak. "Ai holan modal saotik do ibana ima partinandaan dohot distributor?, molo so olo unang pe taho saut, talului annon didtributor na asing, adong do piga piga naro tu Bank on", ninna abang nai.
"Molo so saut ndang adong modalhu pabalgahon kios i bang, hape lomo do rohangku pabalgahon", ninna si Tumpak. "Ai ma sidung sude surat surat i diurus ho ?", ninna abang na i. "Holan Sertipikat ni tano i nama bang", ninna mangalusi. "Haduan lao ma hita rappak tu uluan ni kantor Agraria, atik beha adong nahurang", ninna abang na i.
"Minggu naro manghatai maho tu bagian kredit, ma boi ho mandaftar, anggo Sertifikat i boi ma i dipudi", ninna si Luhut.
Ari Minggu i pajumpang ma s Longga dohot si Tumpak di Gareja, disungkun ma si Tumpak : "Bang disungkun bapak andigan do buatonmu formulir ni Tabungan i, naeng mambaen rekening bapak", ninna. "Anggo songoni hubuat pe marsogot, au pe naeng tu Bank do", ninna. "Boi do au dohot, marsogot mar rapot guru, ndang singkola hami, ninna. "Dohot do si Jojor ?"ninna si Tumpak. "Ndang olo be dohot dohot, mardandi ibana, ala padua dua abang dohot Su Lian.
Dung sidung sian Bank lao ma si Tumpak dohot si Longga tu toko ni si Akiong manghatai nego taringot tu pambagian ni pangomoan. "Lian, pa balga hu do 60 : 40, boa molo 85 : 15", ninna si Tumpak. "Otik mai, ai goarhu do dihaporseai distributor i, toe ma 75 : 25", ninna si Su Lian. "Ditonga tonga ma baen, bea molo 80 : 20 olo do ho ?, ninna si Tumpak muse huhut manginum Teh botol na ngali. "Satongkin jo, husungkun papa da ?, ninna huhut lao marhusip tu Akiong. Di angkat jempol ni si Akiong sian hundulanna, na satolop ibana 80 : 20, dibereng Su Lian huhut mengkel. Dung ro Su Lian tu karosi tamue, dijalang ma simangido ni si Tumpak huhut didok :"Jago nego do ho bang, hubaen pe annon Surat perjanjianta da", ninna.
Dibaen ma Surat perjanjian mar meterai, saleleng 5 taon alai molo adong hepeng ni si Tumpak boi diangsur lunas andorang so 5 taon jala saut ma disurathon pangomoan dibagi 80 : 20 %. Dang pola porlu dibaen gabe Akte Notaris, asal ma diteken di ginjang ni Meterai nunga margogo surat i molo pe parkaro muse, ale dao mai ala sian denggan ni roha do nasida na kongsi i.
Ala ni las ni rohana, diorahon si Tumpak ma si Longga, si Jojor nang si Leonard mardalani tu pulo Samosir, sangkap na marborngin disan saborngin mamakke sedan ni si Su Lian. Alai sundat ma i, ndang olo si Jojor molo dohot si Su Lian. Diorahon manonton manang marlange di Pia hotel pe, si Jojor tong ndang olo. Dielek kakakna si Longga ma adek nai :"Ndang boi songoni Jojor, molo so dohot ho gabe Su Lian ma annon dongan na", ninna. "Mulai saonnari ndang olo be ahu mardongan, loat ma Su Lian hallet na", ninna, tarida ni hansit rohana.
Tingki manggadis gota tu tokke Akiong, diorahon Su Lian ma si Tumpak mardaun pogu tu lapo natabo di R.M Thamrin. Disi disungkun Su Lian ma :"Boha do parlangku barang di lapo kios mi ?", ninna. "Langku do nian ala so adong dope lapo na balga di huta i sahat tu huta Bonandolok dohot Rampa", ninna si Tumpak. "Alai otik dope rumang ni na digadis", ninna muse manguduti. "Songonon mai, molo olo ho, kongsi ma hita tapabalga ma, asa unang pola dao nasida maronan tu Sibolga", ninna Su Lian. Diuduti Su Lian muse :"Adong hutanda distributor naro sian Medan mar mobil box", ninna muse.
"Songon dia ma par kongsinta, songon modal dohot parbagian di pangomoan?", ninna si Tumpak busisaon. "Anggo modal mambaen toko, modal manambai boras, miak, pabalgahon kios dohot rak rak, kulkas, masin kas register sian au mai, ma sae ra Rp 35 juta ate", ninna Sui Lan. "Beha do modal manuhor tu distributor na sian Medan i?, disungkun si Tumpak muse asa tangkas. "Eh Tumpak, kan kosignyasi doi, tagarar molo dung lakku do barang, arga na tabaen diginjang ni arga ni distributor, ima pangomoanta". "Ai boi do songoni?", ninna muse. "Ai songoni do uhumna Tumpak", ninna Su Lian mengkel martata. Bea ma par huta huta, dia ma diboto ibana i. "Ba ma denggan i huhatai majo dohot natuatua nang dohot ibotongku da", ninna si Tumpak mangalusi.
"Ari onan minggu naro rap lao ma hita mamereng lapo, kios mi, ate", ninna Su Lian. Diundukkon si Tumpak mandok "Olo, denggan", ninna. Lao ma halahi nadua, dung sidung maretong panggadisan ni gota minggu i. Mar motor do nasida, ndang marmobil ni si Akiong, ndang pola mabiar Su Lian mamereng lumbang na bagas i, ala si Tumpak do mamboan, pos do rohana ndang dia dia annon di dalan. "Langet langet ma hita da", ninna Su Lian huhut sai gomos ditiop gonting ni si Tumpak.
Dungi manghatai ma nasida na lima dohot natoras ni si Tumpak nang dohot ibotona, kakak na naung sohot na dohot manjaga lapo i, satolop ma nasida naeng gantionna kios papan i gabe ruko. "Ma hurang balga on Amang, dibaen ma muse rak rak, anggo miak tano dohot bensin tunang ma sainganan, tabaen ma toko nagumelleng di hambirang", ninna Su Lian ma muse. Dipaboa ibotona ima rumang ni sigadison, songon mie, sabun, kopi sachet tree in one, shampo,odol, roti ni dakdanak, susu, miak goreng, kacang, minuman botol/dus di kulkas dohot angka barang plastik Asing ni i naporlu siadapari songon boras, miak tano dohot miak bensin. Sipata dilului halak barang alai ndang adong.
Mareak potang ari pukul satonga opat, mulak ma halahi muse tu Sibolga, alai maradian ma di jabu ni si Longga. Dibereng si Longga nasida maradian, mengkel si Longga. "Sian dia hamu, masuk masuk ?", ninna si Longga. Dung hundul di bilut tamu, parmisi si Tumpak tu kamar mandi. "Horas nantulang, didia si Jojor?", ninna si Tumpak. "Jor, dilului ho", ninna inang na manjouhon di bilut na.
Haluar sian bilut na :"Bang adong filem Korea, beta manonton", ninna si Jojor. "Marganti baju ma ho da", ninna si Tumpak. Marende ende ma si Jojor ala las ni rohana. Sahat di bilut tamu tarsonggot ibana ala disi Su Lian. "Horas Jojor", ninna Su Lian mengkel huhut masijalangan, dibereng pardompahan ni si Jojor murhing. Dipatorang si Tumpak ma nanaeng kongsi nasida pabalgahon lapo, kios ni si Tumpak. Anggo si Jojor porsea so porsea do di sude pambaenan ni Sui Lan i. Mangiburu do dibagasan rohana, atik na adong do maksud ni Su Lian. Nang pe ditabunihon si Jojor tong do tarida di pardompahanna.
Ndang dohot Sui Lan manonton filem, dialap nasida si Leonard tu jabuna, alai ndang dijabu. Holan nasida natolu ma na lao manonton. Sahalion si Longga marsuru asa anggi nai hundul ditonga tonga, alai ndang olo ibana, muruk dope rohana tu si Tumpak na rappak dohot Su Lian padua dua.
Dung habis manonton, ndang olo si Jojor mangan di lapo, dipangido ibana ma asa ditaruhon tu jabu ni namboruna di dalan Singkola tukkang, ala ndang mago dope muruk ni rohana tu Su Lian. Mardandi ibana.
Marsogot nai, ala sai busisaon do si Tumpak didapothon ma abang na tu Bank BRI paboahon sangkap na naeng kongsi dohot Su Lian. "Ba lam dao huida pargaulanmu puang dohot boru ni tokke i", ninna abang nai huhut mengkel. "Abang on, dia ma olo boru China i tu iba anak ni napogos on, dongan na namora bahat di Singapur", ninna si Tumpak.
"Songonon bang, dipangido ibana marbagi pangomoan 60 : 40, boa do diroham?", disungkun si Tumpak naso umboto hasomalon ni namar kongsi. "Sadia nimmu, 60:40, ma rinttik do i, naso holong do rohana tu ho anggo songoni, nego ma muse gabe 85:15", ninna abang nai songon na hirput bohina. "Molo so olo beha ?", ninna si Tumpak. "Ai holan modal saotik do ibana ima partinandaan dohot distributor?, molo so olo unang pe taho saut, talului annon didtributor na asing, adong do piga piga naro tu Bank on", ninna abang nai.
"Molo so saut ndang adong modalhu pabalgahon kios i bang, hape lomo do rohangku pabalgahon", ninna si Tumpak. "Ai ma sidung sude surat surat i diurus ho ?", ninna abang na i. "Holan Sertipikat ni tano i nama bang", ninna mangalusi. "Haduan lao ma hita rappak tu uluan ni kantor Agraria, atik beha adong nahurang", ninna abang na i.
"Minggu naro manghatai maho tu bagian kredit, ma boi ho mandaftar, anggo Sertifikat i boi ma i dipudi", ninna si Luhut.
Ari Minggu i pajumpang ma s Longga dohot si Tumpak di Gareja, disungkun ma si Tumpak : "Bang disungkun bapak andigan do buatonmu formulir ni Tabungan i, naeng mambaen rekening bapak", ninna. "Anggo songoni hubuat pe marsogot, au pe naeng tu Bank do", ninna. "Boi do au dohot, marsogot mar rapot guru, ndang singkola hami, ninna. "Dohot do si Jojor ?"ninna si Tumpak. "Ndang olo be dohot dohot, mardandi ibana, ala padua dua abang dohot Su Lian.
Dung sidung sian Bank lao ma si Tumpak dohot si Longga tu toko ni si Akiong manghatai nego taringot tu pambagian ni pangomoan. "Lian, pa balga hu do 60 : 40, boa molo 85 : 15", ninna si Tumpak. "Otik mai, ai goarhu do dihaporseai distributor i, toe ma 75 : 25", ninna si Su Lian. "Ditonga tonga ma baen, bea molo 80 : 20 olo do ho ?, ninna si Tumpak muse huhut manginum Teh botol na ngali. "Satongkin jo, husungkun papa da ?, ninna huhut lao marhusip tu Akiong. Di angkat jempol ni si Akiong sian hundulanna, na satolop ibana 80 : 20, dibereng Su Lian huhut mengkel. Dung ro Su Lian tu karosi tamue, dijalang ma simangido ni si Tumpak huhut didok :"Jago nego do ho bang, hubaen pe annon Surat perjanjianta da", ninna.
Dibaen ma Surat perjanjian mar meterai, saleleng 5 taon alai molo adong hepeng ni si Tumpak boi diangsur lunas andorang so 5 taon jala saut ma disurathon pangomoan dibagi 80 : 20 %. Dang pola porlu dibaen gabe Akte Notaris, asal ma diteken di ginjang ni Meterai nunga margogo surat i molo pe parkaro muse, ale dao mai ala sian denggan ni roha do nasida na kongsi i.
Ala ni las ni rohana, diorahon si Tumpak ma si Longga, si Jojor nang si Leonard mardalani tu pulo Samosir, sangkap na marborngin disan saborngin mamakke sedan ni si Su Lian. Alai sundat ma i, ndang olo si Jojor molo dohot si Su Lian. Diorahon manonton manang marlange di Pia hotel pe, si Jojor tong ndang olo. Dielek kakakna si Longga ma adek nai :"Ndang boi songoni Jojor, molo so dohot ho gabe Su Lian ma annon dongan na", ninna. "Mulai saonnari ndang olo be ahu mardongan, loat ma Su Lian hallet na", ninna, tarida ni hansit rohana.
No comments:
Post a Comment