Husungkun tu langit na balau
Boasa modom sahalankhu
Simalolong so hea renges
Didoit rongit ditonga borngin
Bantal pe ngali ngalian
Pulut ni roham, marsigorgor sihol
Didia do ho among, inong
Hutailihon sian lubang ni jandela
Aut tardundung au bulan
Rupa ni among targombar do disan
Bintang songon engkel ni dainang
Tangis au assosombopon
Sipata so binoto didia tarpodom
Di jolo ni lapo, ditoru ni jambatan
Di las niari, di ari udan
Dijabu ni tondong, ditonga dalan
Modom so marbulusan
Siubeon pe holan sampohul
Songon dia rumang ni holong
Hubereng tu siamun, hambirang
Huida engkel supping ni angka dongan
Dang tinaon be las niari
Dang tinaon be ngali ni ombun
Tarhilala holong ni angka dongan
Molo sae singkolahku
Dilean Debata jampalan na lomak
Ingkon huhaol pangisi ni panti
Masihaholongan tiap ari
Klp Gading, 23/03/17
No comments:
Post a Comment